Lushika 21:18 - BIBLIYA NTAGATIFU OMU MASHI

¹⁸ Erhi omushamuka akabà agwêrhe omwâna w’entumva, cigamba cagambire îshe na nnina, bàmuhânwîre arhanayumva,

Lushika 21:18 ပူးပေါင်းရင်းမြစ်များ

2 Samweli 7:14

“Oku bwâni, nâbà îshe naye abè mugala wâni. Erhi akajira okubî nanamuhîmbaguza n’empîmbo z’akîrumè, nanamuhà n’ebifundo, birya omuzîre akanahà omwâna wâge”.

Lubungo 20:12

Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

Lubungo 21:15

Owashûrhe îshe erhi nnina, ananigwe, afè.

Lubungo 21:17

Owahehêrere îshe erhi nnina, ananigwe, afè.

Migani 1:8

Yumva mwâna wâni, ihano lya sho, orhahîraga okagaya akanwa nyoko akubwîra,

Migani 13:24

Obîkiriza ehirhi hyâge, erhi omugala anashômba, omusîma bwenêne amukubûla.

Migani 15:5

Muhwinja ogayaguza ihano ly’îshe ci oyêmêra bamuhakanya erhi mwenge.

Migani 19:18

Ohane mugala wâwe liciri duba, ci kwône orhacîhiraga oku ntuli y’okumuyîrha.

Migani 20:20

Oderha îshe na nnina buligo, ânazimirwe n’akamole omu ndunduli y’omwizimya.

Migani 22:15

Obuhwinja bubà bunanîre oku murhima gw’omwâna, akarhi k’obuhane kanamulikûze kuli bwo.

Migani 28:24

Ozimba îshe na nnina mpu «cirhali câha» erhi alingiyinjibana ebishambo.

Migani 29:17

Okazihanûla mugala wâwe, wâbona oku acikushagalusa, anarhume omurhima gwâwe gwarhîmûkwa.

Migani 30:11

Hali obûko, oku bàjacira îshe, kwo na nnina barhamukenziri.

Migani 30:17

Amasù omuntu akengulamwo îshe, âgagayira nnina wa muntu obugikulu, bihungu by’oku lwîshi byâgarhule, bigukuma byâgashêge!

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Izaya 1:5

“Ngahi mwankacishûrhirwa, mwe bantahwa-bugoma? Irhwe lyoshi liri lilwâla, n’omurhima gwoshi gwarhozire”.

Yeremiya 31:18

“Nayumvîrhe bwinjinjà oku abantu b’emwa Efrayimu badwîrhe balaka banaderha, mpu: Nyakasane warhukubwîre bwenêne nka kula banakubûla empanzi ntôrhò eyâbirana. Ci lêro orhushubizagye emunda oli, lyo rhubà bâwe lwoshi, bulya w’oyo Nyakasane, wêne­ne Nyamuzinda wîrhu”.

Yeremiya 5:23

Cikwône olu lubaga lugwêrhe omurhima gw’entumva n’abagoma bagalusire banagenda.

Yeremiya 5:3

Nyamuzinda, kali by’okuli amasù gâwe galonza gabone? Abôla wabashûsire barhanayumvîrhe wabahinazire barhanagokwîre. Obusù bwâbo babujizire buzibu kulusha ibuye, banalahîre bwaleka okwâbo.

Ezekiyeli 22:7

Emwâwe, omuntu anakazigayaguza îshe na nina, emwâwe banakazilibuza ababalama, emwâwe banakazilibuza abakana n’e­ nfûzi.

Ezekiyeli 24:13

Nalonzagya okukushuka kwo eryo izinga ly’amabî gâwe, ci orhayêmîre washukwa eryo izinga. Kuziga orhâce kuhika oburhè bwâni bukuhwêrekwo.

Ben Levi 19:3

Ngasi muguma muli mwe agwâsirwe okukenga îshe na nnina, n’ensiku zâni za Sabato mukaz’izikenga. Nie Nyakasane Nyamuzinda winyu.

Ben Levi 21:9

Erhi mwâli w’omudâhwa ankacîshûbula, omu kuj’ashenza, erhi anali îshe olya ashûbwîre; olya munyere akola wa kudûlikwa muliro afè.

Lushika 21:19

îshe na nina w’oyo mwâna banamugwârha bamujane emunda abagula b’olugo bali, aha muhango gwa lulya lugo.

Lushika 27:16

Aherêrekere mâshi, omuntu wakolera îshe na nina amaligo. N’olubaga lwoshi lwanaderha mpu: «Amen».

Lushika 8:5

Oyumvagye obwo oku Nyamubâho, Nyamuzinda wâwe kwo akuhanûla kula omushamuka anahanûla omwâna wâge.

1 Samweli 3:13

Namubwîzire oku enyumpa yâge nayishiyitwîra olubanja lukwânîne, oku câha yênene anamanyire.» Abâna bâge bakazirijacira Nyamuzinda arhanabahanaga.