Lushika 2:23 - BIBLIYA NTAGATIFU OMU MASHI

²³ Abahiviti bàyûbakaga emirhundu ehisire e Gaza nayo ntyo: Bakafutorimi barhengaga e Kafutori babamalîra banabà bo bayûbaka cihugo câbo.

Lushika 2:23 ပူးပေါင်းရင်းမြစ်များ

Murhondêro 10:14

Aburha Patrosimu, ba Kasiluhimu, bo barhengakwo Abafilistini na Bakafutori.

Murhondêro 10:19

Ecihugo ca bene Kanâni càli kurhenga e Sidoni, kugera e Gerari kujà e Gaza, kandi kugera olunda lw’e Sodomo, Gomora, Adma na Seboyimi caj’ihwera e Lesha.

2 Bâm 18:8

Ye wahimaga Abafilistini, abakwamûkakwo kuhika e Gaza, abahisa oku mbibi zâbo, ciru n’ebishagala byâbo bizibuzibu, byoshi abihagula.

1 Nganîro 1:12

w’abantu b’e Patrosi, b’e Kaslu n’e Kafutori, lwo lunda Abafilistini barhengaga.

Yeremiya 25:20

n’omwandu gw’ababalama (abâmi b’e Uzi boshi), abâmi boshi b’omu cihugo c’Abafilistini, nakanywêsa Askaloni, Gaza, Ekroni, n’abandi bâmi ba Ashdodi,

Yeremiya 47:4

bulya olusiku luminya lwahisire lw’okuherêrekeza Abafilistini boshi, gakola mango Tiri na Sidoni bâbona omu barhabâzi bâbo bazinda, ntà muguma, ciru n’omuguma barhayandazizi burhaba. Nêci, Nyakasane ahungumwîre Abafilistini boshi, musigala g’oku cirhwa c’e Kafutori.

Amosi 9:7

«Wâni bene Israheli, -kwo Nyakasane adesire, -ka mwe mulushirage Abanya-Etiyopiya? K’arhali nie narhenzagya Israheli omu cihugo c’e Mîsiri, nka kulya narhenzagya Abafilistini e Kaftori n'Abakaldeyi e Kiri?

Sofoniya 2:4

Nêci, Gaza akola ajirwa irungu, Ashkeloni abè kahumba. Ashedodi bamamulibirhakwo kalengerêre, Ekroni bamukundule.

Zakariya 9:5

Hano Askeloni naye abona ntyo, ajajuguma n’obwôba, na Gaza ahinde musisi omu birumbu byâge byoshi na Ekroni kwo na kwo bulya oburhwâli bwâge bwamahirigirha. Mwâmi aherêrekera omu Gaza na Askeloni ashube bigûkà.

Ebijiro 17:26

“Ye warhenzagya abantu boshi oku muntu muguma, anabalumîza omu igulu lyoshi; abagêrera ensiku z’obuzîne bwâbo, abatwîra n’embibi z’aha bayûbaka”.

Yozwe 10:41

Yozwè ahima abo bâmi boshi kurhenga e Kadesi-Barnea, kujà e Gaza, ahima ecihugo ca Gosheni kujà e Gabaoni.

Yozwe 11:22

Harhasigalaga Anakimi ciru n’omuguma omu cihugo ca bene Israheli coshi, bacisigîre aha Gaza, aha Gati n’aha Ashdodi honênè.

Yozwe 13:3

Kurhenga e Shibori, olunda lw’ebuzûka-zûba bw’e Mîsiri, kuhika oku cihugo c’Ekroni, emwênè eri ecihugo cidesirwe cihugo c’abanya-Kanâni; n’emirhundu irhanu y’abà-Filistini: omurhundu gwa Gaza, omurhundu gwa Ashdoti, omurhundu gwa Eshikoloni, omurhundu gwa Gati n’ogwa Ekroni.

Yozwe 15:47

Ashidoti, emirhundu yâge n’ebisbagala byâge, kuhika oku mugezi gw’e Mîsiri, n’oku nyanja nnene, lwo luli lubibi.

Bacîranuzi 1:18

Yûda arharhôlaga Gaza n’ecihugo câge, Ashkeloni n’ecihugo câge, ciru na Ekroni n’ecihugo câge.