Lushika 2:15 - BIBLIYA NTAGATIFU OMU MASHI

¹⁵ N’okuboko kwa Nyamubâho nako kwakazibashanga omu cihando, balinda bahungumuka boshi.

Lushika 2:15 ပူးပေါင်းရင်းမြစ်များ

Ennanga 106:26

Lêro alengeza okuboko acîgasha, mpu arhabalambisiri omu mpinga,

Ennanga 32:4

Bulyâla okuboko kwâwe kwàli kuzidohire oku irhwe lyâni mûshi na budufu, emisî yâni yakaz’iyonda nka kuno bayiyanikira oku izûba ly’ecanda.

Ennanga 78:33

Lêro ensiku zâbo àzisingônola kano kanya, n’emyâka yâbo ayigeza buhena.

Izaya 66:14

Mwabona okwôla, omurhima gwinyu guyunjule mwishingo; amavuha ginyu, nka kula olubala luyâsa, kwo nago gayâsa. Okuboko kwa Nyakasane kwamanyisibwa omu barhumisi bâge, n’obukunizi bwâge omu bashombanyi bâge.

Mibalè 14:28

Ogendibabwîra oku mbà nzîne! Nyamubâho okudesire: namujirira nk’okwôla mwanaderheraga omu marhwiri gâni.

1 Bakorinti 10:5

Cikwône banji muli bo barhasimîsagya Nnâmahanga; kwarhuma emibiri yâbo yalambama omu mpinga.

Yûda 1:5

Ciru akabà mwayigîrizîbwe ebyo byoshi caligumiza, nnonzize okummukengêza oku Nyakasane, erhi abà amalîkûza olubaga lwâge amanalurhenza omu cihugo c’e Mîsiri, enyuma ly’aho aherêrekeza ababulaga bwayêmêra.

Bacîranuzi 2:15

Ngasi hoshi banarhangulaga mpu bakola bajilwayo, okuboko kwa Nyakasane kunabahumbarhaze, kubajire kubî nka kulya Nyamubâho anaderhaga, nka kulya Nyakasane anayôrhaga abarhonzire, bajà omu malibuko manji bwenêne.

1 Samweli 5:11

Banacirhuma entumwa emwa abarhambo b’Abafilistini banababwîra mpu: «Galuli ogu Mucîmba gwa Nyamuzinda w’Israheli, mugushubize emunda gwabâga lyo gulekirhuherêrekeza rhwêne n’olubaga lwîrhu.»

1 Samweli 5:6

Okuboko kwa Nyamubâho kwazidohera olubaga lw’e Ashdodi, kwabayôbohya bwenêne, boshi bakalwâlira amahurhe omu magala. Byâbà ntyo oku lubaga lwa Ashdodi, n’omu cihugo câge mwoshi,

1 Samweli 5:9

Ci kwônene oku bamaguhisayo ntyâla, okuboko kwa Lungwè kwazidohera lulya lugo, yâbà ntemu erhasagiderhwa, ogwôla Mucîmba gwanacilêrha mahanya manji bwenêne oku bantu bw’omôla lugo, kurhenga oku mwâna kuhika oku mukulu, boshi bakalwâlira amahurhe omu magala.

1 Samweli 7:13

Kw’Abafilistini bahimirwe ntyôla, bagokola okukaziyisha barhêzire bene Israheli; okuboko kwa Nyamubâho kwahorheza Abafilistini amango ga Samweli goshi.