Lushika 2:14 - BIBLIYA NTAGATIFU OMU MASHI

¹⁴ Akasanzi rhwajire rhwagenda, kurhenga e Kadesi Barnea, kuhika amango rhwayikiraga omugezi gwa Zaredi kali ka myâka makumi asharhu na munâni; ntyo, omurhwe gwa balya boshi bâli bakola balume b’okujà oku matabâro gwàli gwamahwa omu cihando, nka kulya Nyamubâho àli acîgashire.

Lushika 2:14 ပူးပေါင်းရင်းမြစ်များ

Ennanga 106:26

Lêro alengeza okuboko acîgasha, mpu arhabalambisiri omu mpinga,

Ennanga 90:15

Orhuhè enshagadu y’ensiku rhwalibwîre, n’ey’emyâka rhwarhindibwîre.

Ennanga 90:3

We rhegeka abantu mpu bashubire omu budaka, mpu: «Galuki mwe muburhwa n’abantu mwe.»

Ennanga 90:9

Ensiku zîrhu zoshi zâhwêrîre omu burhè bwâwe, emyâka kwo rhwayimazire nka kula omuntu amira amarhî.

Ennanga 95:11

Nacigasha muli obwo burhè, nti: «Barhâlabarhe omu iluhûkiro lyâni.»

Ezekiyeli 20:15

Kulusha okwôla nanaciyînamulira okuboko kwâni kuli bwo omwôla irungu, omu kulahira nti ntabahêke muli cirya cihugo nabahâga, cihugo cihulula mwo amarhà n’obûci, cihugo cinjà omu bindi bihugo byoshi.

Mibalè 1:1

Nyakasane ashambâla na Mûsa omw’irungu lya Sînayi, omw’Ihêma ly’embugânano, omu lusiku lurhanzi lw’omwêzi gwa kabirhi, omu mwakagwa kabirhi kurhenga barhenzire e Mîsiri. Anacimubwîra, erhi:

Mibalè 13:26

bayisha bayishire bajà emunda Mûsa ali n’Aroni, n’endêko ya bene Israheli boshi aha Kadesi, omw’irungu lya Parani. Bababwîra emyanzi nka kulya banarhumagwa; bashambalira n’olubaga loshi, banabayêreka amelehe ga ecôla cihugo.

Mibalè 32:11

Abâla bantu barhengaga e Mîsiri banakola bagwêrhe myâka makumi abirhi babusirwe na kujà enyanya, barhabone kuli cirya cihugo nalaganyagya n’endahiro nti nacihà Abrahamu, Izaki na Yakôbo, ebwa kubà barhankulikiraga n’obwêmêre.

1 Bakorinti 10:5

Cikwône banji muli bo barhasimîsagya Nnâmahanga; kwarhuma emibiri yâbo yalambama omu mpinga.

Lushika 1:19

Rhwaleka Horebu obwo, rhwayikira olya nakagali, olya nyandumà w’irungu mwabonaga. Mwo rhwàli omu njira y’okujà ebwa ntondo z’Abamoriti nka kulya Nyamubâho, Nyamuzinda wîrhu anali arhurhegesire, rhwalinda rhuhika aha Kadesi-Barnea.

Lushika 1:2

Hali lugendo lwa nsiku ikumi na luguma, kurhenga e Horebu, kugera oku ntondo ya Seyiri kuhika e Kadesi-Barnea.

Lushika 1:46

Mwabêra nsiku nyinji aho Kadesi, nsiku ziri nk’ezi mwanashingireho.

Lushika 2:13

Hiragi eyo! munayikire omugezi gwa Zaredi!». Rhwayikira ogwo mugezi gwa Zaredi.

Lushika 2:16

Erhi olufù lubà lwamarhenga omu lubaga balya boshi banali bakola balume b’okujà oku matabâro,

Lushika 2:7

Bulya Nyamubâho, Nyamuzinda wâwe, akugishire omu mikolo yâwe yoshi; ashimbûlira olugendo lwâwe muli olya nnakagali w’irungu. Lâba oku ekola myâka makumi anni enôla erhi na Nyamubâho, Nyamuzinda wâwe anali haguma nâwe: ntà kantu wabuzire».

Yozwe 24:7

“Ababusi binyu banacilakira emunda Nyakasane ali, naye Nyakasane ahira omwizimya gw’endunduli ekarhî kâbo n’ekarhî k’abanya-Mîsiri; Abanya-Mîsiri abahondakwo enyanja, nayo yabafunika. Amasù ginyu gabwîne ebi nakozire omu Mîsiri byoshi n’omw’irungu mwagezizemwo nsiku nyinji”.

Yozwe 5:4

Yumvagya ecarhumaga Yozwè abakembûla. Olubaga lwarhengaga e Mîsiri loshi, lulya lubaga lw’abalume bali mirhwe y’abalwî, boshi bali erhi bafirîre omw’irungu, muli ago mango banali omu njira y’okurhenga e Mîsiri.

Yozwe 5:6

Okwo ebwa kubà bene Israheli bagenzire myâka makumi anni omw’irungu kuhika gulya murhwe gw’abalwî barhengaga e Mîsiri goshi gwagukumuka, bo balya barhayumvagya akanwa ka Nyakasane, n’ago mango Nyakasane alahira mpu barhacihike muli cirya cihugo alaganyagya b’îshe wâbo oku abahà co, càli cihugo cihululamwo amarhà n’obûci.

Yûda 1:5

Ciru akabà mwayigîrizîbwe ebyo byoshi caligumiza, nnonzize okummukengêza oku Nyakasane, erhi abà amalîkûza olubaga lwâge amanalurhenza omu cihugo c’e Mîsiri, enyuma ly’aho aherêrekeza ababulaga bwayêmêra.