Lushika 19:17 - BIBLIYA NTAGATIFU OMU MASHI

¹⁷ abo bantu babirhi bali lubanja embere za Nyamuzinda, bakwânîne baluhêke embere z’abadâhwa, n’abazuzi bali ekagombe ago mango.

Lushika 19:17 ပူးပေါင်းရင်းမြစ်များ

Lubungo 21:6

nnawâbo anamuhêka embere za Nyamuzinda, amuhise aha lumvi erhi oku mulirango: nnawâbo anamurhuliraho okurhwiri n’omugera: anabà mujà wâge ensiku zoshi.

Lubungo 22:8

Ehyanâjîrwe kadali, hyoshi, akabà nkâfu, ndogomi, cibuzi, mwambalo erhi ngasi kantu kanahezire koshi kalya bankanaderha mpu: «Nêci kâka», olubanja lunahêkwe embere za Nyamuzinda, n’oyu Nyamuzinda akayagiriza oku ye mubî anahyûle owâbo kabirhi.

Ezekiyeli 44:24

Amango hali akadali bwo bakazitwa olubanja; balutwe omu kushimba amarhegeko gâni najiraga. Bakazishimba amarhegeko n’engeso zâni omu ngasi nsiku nkulu, banakazilanga ensiku zâni za Sabata.

Malakiya 2:7

Nêci, guli mukò­lo gwa mudâhwa okuyigîriza abantu bamanye Nyamuzinda, omudâhwa ye abantu bayishikamudôsa amarhegeko bashimba, bulya ye mujà-bugo wa Nyakasane w’Emirhwe.

Lushika 16:18

Ohire abatwî b’emmanja n’abandisi omu ngasi lugo Nyamubâho, Nyamuzinda wâwe âkuhà, nk’oku emilala yâwe enali; bakazitwîra olubaga olubanja kulya kushingânîne.

Lushika 17:9

ogendilonza abadâhwa baleviti n’omutwî w’emmanja oli omu mukolo ago mango. Wanadôkereza banakumanyîse kurhi batwîre olubanja.

Lushika 21:5

Abadâhwa bene Levi banayisha; bulya bo Nyamubâho, Nyamuzinda wâwe acîshozire mpu bamukolere banahâne omugisho oku izîno lya Nyamuzinda, n’akanwa kâbo kakazifunga akadali n’okutwa emmanja.

Lushika 25:1

Abantu erhi bakabà bagwêrhe olubanja, banaluhêka aha ngombe babatwîrelo: olubanja banaluhà nnalo, n’ohalîre banamubwîra oku ahalîre.