Lushika 18:1 - BIBLIYA NTAGATIFU OMU MASHI

¹ Abadâhwa baleviti, omulala gwa Levi gwoshi gurhahâbwè mwanya erhi kashambala haguma na Israheli, bakazirya ebiryo birherekîrwe Nyakasane, n’oku mwanya gwâge.

Lushika 18:1 ပူးပေါင်းရင်းမြစ်များ

Yeremiya 33:18

Na ntà mango hâbulike abadâhwa bene Levi bakazintûla enterekêro n’okukazitumbûla enshangi n’okuhêra karhahusa buca buyîra.

Ezekiyeli 44:28

Alagi âkaba kashambala kâbo: nie nâbà nie kashambala kâbo; murhahîra mukabahà ehi bankayîmamwo omu Israheli, niene nie nâbà byo.

Mibalè 18:20

Nyamubâho anacibwîra Aroni, erhi: orhâbè n’akashambala omu cihugo câbo, na ntà cigabi ciru n’eciguma cankaderhwa mpu câwe ekarhî kâbo. Niehe nie cigabi câwe nie na kashambala kâwe ekarhî ka bene Israheli.

Mibalè 26:62

Abajirîrwe omubalè boshi, kurhenga balume ba mwêzi muguma kujà enyanya, bali bihumbi makumi abirhi na bisharhu. Bulya barhajiriragwa omubalè haguma n’abandi bene Israheli, barhagwêrhi kashambala kaguma nabo.

Lushika 10:9

Co carhumire Levi arhabona mwanya arhanabona ishwa aka bene wâbo: Nyamubâho yêne ye kashambala kâge nka kulya Nyamubâho, Nyamuzinda wâwe anamubwîraga.

Lushika 12:19

Amango goshi wâbà olimwo eco cihugo câwe, orhahîraga okuhaba omuleviti.

Yozwe 13:14

Omulala gwa bene Levi gônene Mûsa arhahâga ecihugo nka mwanya, bulya Nyakasane, Nyamuzinda w’Israheli, yêne yeri mwanya gwâbo, nk’oku anamubwîraga.

Yozwe 13:33

ah’ishiriza lya Yeriko, olunda lw’e buzûka-zûba. Ci kône Mûsa arhahâga bene Levi omwanya; Nyakasane, Nyamuzinda w’Israheli, yêne yeri mwanya gwâbo nk’oku anababwîraga.

Yozwe 18:7

Ci konene bene Levi barhahâbwe cigabi cihi muli mwe, omukolo bahîrwe gw’obudâhwa bwa Nyakasane kwo na kashambala kâbo. Kandi Gadi, Rubeni, n’ecihimbi c’omulala gwa bene Menashè, bakola bajira ogwâbo mwanya olundi lunda lwa Yordani ebuzûka-zûba, n’ogwo mwanya baguhâbagwa na Mûsa, omurhumisi wa Nyakasane».