Lushika 17:19 - BIBLIYA NTAGATIFU OMU MASHI

¹⁹ Eco citabu cikaziyôrha ciri aha burhambi bwâge, akacisoma ensiku z’akalamo kâge zoshi, na ntyo anamanyirhînya Nyamubâho, Nyamuzinda wâge, anamanyilanga ebinwa by’olulushika byoshi, n’aga marhegeko anamanyigashimba.

Lushika 17:19 ပူးပေါင်းရင်းမြစ်များ

2 Bâm 22:10

Kandi omwandisi Shafani anacibwîra mwâmi ogu mwanzi erhi: «Omudâhwa mukulu anampîre ecitabu». Shafani acirhôla arhondêra okucisomera mwâmi.

Ennanga 1:2

Arhasîmisibwa n’agarhali marhegeko ga Nyamuzinda, anagerêreza ago marhegeko bwacà-bwayira.

Yowane 5:39

“Muhumba Amandiko, bulya mucîkebirwe mpu mwo mubà akalamo karhahwa; ci nago kumpamîriza gampamîriza!”

Lushika 11:18

Ebi binwa mmubwîzire, mubihirage oku murhima n’omu mûka gwinyu. Mubishwêkere oku kuboko nka cêrekane n’oku malanga nka ishembwa.

Lushika 4:10

Olusiku wali oyîmanzire aha ntondo ya Horebu, embere za Nyamubâho, Nyamuzinda wâwe, Nyamubâho ambwîra: «Onshûbûlize olubaga nabayumvisa ebinwa byâni, kuderha nti bacîyigîrize okuntînya, ensiku zoshi z’akalamo kâbo hano igulu banakuyigirize bagala bâbo».

Lushika 4:9

Ci kwône omanyage wakayibagira ebi binjà amasù gâwe gabwîne omanyage harhajiraga ciru n’olusiku luguma lw’akalamo kâwe waleka ebyo binjà byakurhenga oku murhima, ci kwône obiyigirize bagala bâwe n’abinjikulu bâwe erhikwo.

Lushika 5:1

Mûsa ahamagala Israheli yêshi, ababwîra erhi: Yumva Israheli amarhegeko n’engeso nakubwirira omu kurhwiri; mugayîge mugalange lyo mugashimba. A. Irhegeko lirhanzi (2-10)

Yozwe 1:8

“Ecîra citabu c’oburhegesi cirhakurhengaga omu kanwa; okazicigerereza kwo mûshi na budufu, ly’ohashijira bwinjà nk’oku binayandisirwe; na ntyo wanabà n’iragi, onabêrwe omu majira gâwe goshi”.