Lushika 15:7 - BIBLIYA NTAGATIFU OMU MASHI

⁷ Erhi emwâwe yakaba eri omukenyi, muguma w’omu bene winyu, aha muhango gwâwe muguma, muli cirya cihugo Nyamubâho, Nyamuzinda akuhà, orhazidohagya omurhima gwâwe, orhanabumbaga enfune zâwe wamânabona mwene winyu w’obuligo,

Lushika 15:7 ပူးပေါင်းရင်းမြစ်များ

Nehemiya 5:1

Hanacizûka okucîduduma kw’olubaga na bakâbo kuli bene wâbo b’A Buyahudi baguma baguma.

Esteri 9:19

Co cirhuma Abayahudi b’omu lugo bajira olwâbo lusiku lw’okushagaluka omu nsiku ikumi n’inni z’omwêzi gwa Adari, lwo lubà lusiku lukulu lwâbo lw’okucîshinga, lusiku lwa kusîma, na muli olwôla lusiku ngasi Muyahudi anarhumire omulungu wâge nshololo nsungunu. 19 (a) Ci Abayahudi b’omu burungu bashagaluka banahâna enshololo emw’abalungu bâbo omu nsiku ikumi n’inni z’omwêzi gw’Adari.

Esteri 9:22

n’okushagaluka muli ezôla nsiku bulya ziri nsiku bahimagamwo abashombanyi bâbo, gwo mwêzi amalumwa gâbo gahindukaga masîma, gwo mango ensiku z’emishîbo zahindukaga nsiku nkulu. Ezôla nsiku nkulu zibè nsiku za busîme ezi ngasi muguma akarhumiramwo bene wâbo enshololo n’okuhâna oluhembo lusungunu oku bakenyi.

Lubungo 22:25

Erhi wankarhôla ecirondo c’owinyu cikînja, onamugalulireco câjîngwè, izûba lirhacizonga,

Migani 19:17

Obabalira omukenyi erhi Nyakasane abîsize, yêne ye wâjuhe.

Migani 21:13

Ofuka amarhwîri mpu arhagiyumva izù ly’omukenyi, naye ânaciyâme abule n’ecishuzize.

Izaya 58:10

erhi wakahà omushalye akalyo wankasimire olye, n’erhi wankayigusa oli omu malibuko, akamole kâwe kânayâka omu mwizizi, n’omwizimya gwâwe gwânabà nka kasirahinga,

Ben Levi 25:35

Erhi omulungu wâwe ankakena akanakaz’ikuhûna, onakaz’imurhabâla, abè mubunga erhi cigolo; ntyo naye anahash’okulama bwinjà aha burhambi bwâwe.

Mateyo 18:30

Ci olya wâbo arhumvagya, acîlahirira, amugendana: aj’imuhira omu lukoba, kuhika alyûle.

Mateyo 5:42

Owakuhûne onamuhè; n’irhondo omanye wankayâka owalonz’ikuhôza.

Lushika 15:11

Ntà mango abakenyi bâbule mw’eci cihugo, bw’obûla nkuhîre eri irhegeko: enfune zâwe ozibumbûlire mwene winyu ozibumbûlire oli buligo n’omukenyi oli omu cihugo câwe.

Lushika 15:9

Omanyâge wakanabêza omu murhima gwâwe ezi nkengêro mbî, mpu: «Omwâka gwa kali nda ogûla guyiruka, gwo mwâka gw’okubabalira!» okazinga amalanga embere za mwene winyu mukenyi, n’okabula bwamuhà akantu, akanakuyamira emwa Nyamuzinda obone wamahemuka n’ecâha

Lushika 24:14

Omuntu mugunda w’obuligo, abè wa muli bene winyu abè wa cigolo òhanzire aha mwâwe, orhahîra okamulenganya oku luhembo lwâge.