Lushika 15:14 - BIBLIYA NTAGATIFU OMU MASHI

¹⁴ Onamubarhuze, ashobole oku bintu byâwe binyinyi, oku by’omu cibuga câwe n’oku by’omu mukenzi gwâwe; omuhè nk’oku Nyamubâho, Nyamuzinda wâwe okugishire.

Lushika 15:14 ပူးပေါင်းရင်းမြစ်များ

Nehemiya 8:10

Ezra anacibabwîra, mpu: «Mugendage muj’irya enyama zishushagîre, munywe n’amamvu garhali makali, munahêkerekwo n’olya orhagwêrhi ecihimbi, bulya olu lusiku luli lutagatîfu emwa Nyamuzinda Nnawîrhu, murhabâga burhè bulya obushagaluke bwa Nyamuzinda bwo bugale bwinyu».

Ennanga 112:9

Arhahimwa kuhâna n’okushîbirira abakenyi, obushinganyanya bwâge burhakahwa kuderhwa, irenge lyâge kugandâza lyanagandâza.

Ennanga 68:10

Ishanja lyâwe Nnâmahanga, walirhumira enkuba y’akalume, n’amango lyàli buholoka walihà emisî.

Migani 10:22

Mugisho gwa Nyakasane gugaza omuntu, emisî yône-yône erhajira cici.

Ebijiro 20:35

“Nammuyêresire amango goshi oku omu kukola ntyo kwo mukwânîne okurhabâlamwo engonyi, munayôrhe muyîbusire aka kanwa ka Nyakasane Yezu waderhaga yêne”, mpu: “Okuhâna kulushire okuhâbwa iragi”».

1 Bakorinti 16:2

Olusiku lurhanzi lw’omugobe, ngasi muguma muli mwe abîke aha mwâge ebi asigazize, na ntyo barhalindaga mpu kuhika nyishe entûlo zibul’ihânwa.

Lushika 15:13

Nêci onamuleke agende ci orhamulikaga maboko mûmu.

Lushika 15:15

Okaz’ikengêra oku wali mujà e Misirina Nyamubâho, Nyamuzinda wâwe akucungula. Co cirhumire nkuhà eryôla irhegeko ene.