Lushika 15:11 - BIBLIYA NTAGATIFU OMU MASHI

¹¹ Ntà mango abakenyi bâbule mw’eci cihugo, bw’obûla nkuhîre eri irhegeko: enfune zâwe ozibumbûlire mwene winyu ozibumbûlire oli buligo n’omukenyi oli omu cihugo câwe.

Lushika 15:11 ပူးပေါင်းရင်းမြစ်များ

Lubungo 23:11

Ci ogwa kali nda onalileke lilâle, abakenyi bw’omu ishwa lyâwe balye emburho zirimwo, n’ebyankasigala ensimba z’erubala zibirye. Ntyo kwo wakazijira olukoma lwâwe lw’emizêti yâwe.

Migani 19:17

Obabalira omukenyi erhi Nyakasane abîsize, yêne ye wâjuhe.

Migani 22:2

Omugale n’omugunda babugânîne mw’oku: bombi Nyakasane wabalemaga.

Migani 31:20

Anabumbûlire omukenyi enfune, alambûlire n’omuganda okuboko.

Ezekiyeli 18:7

arhalibuza ndi, agalula ngasi ehi alîre cikinja, arhazimba, ashalûla omushalye, ayambika oli bushugunu,

Mateyo 26:11

Abakenyi, ensiku zoshi muli haguma nabo, ci niehe arhali ensiku zoshi mwambona.

Mateyo 5:42

Owakuhûne onamuhè; n’irhondo omanye wankayâka owalonz’ikuhôza.

Marko 14:7

Bulya abakenyi, ensiku zoshi muli haguma nabo, n’amango mwalonza mwanabajirira aminjà; ci niehe arhali ensiku zoshi mwambona.

Luka 12:33

Muguze ebirugu binyu, murhabâlemwo abakenyi. Mucîlukire emvumba zirhashaja, munacîbîkire omuhako gurhahwa omu mpingu, emunda ecishambo cirhahika n’enundo erhalunda.

Yowane 12:8

“Bulya abakenyi, e­nsiku zoshi muli haguma nabo, ci niehe arhali ensiku zoshi mwâmbona”».

Ebijiro 2:45

Bakâg’ikaguza amashwa n’ebirugu byâbo, n’engulo bakâyigabâna boshi, ngasi muguma nk’oku analagirîre.

Lushika 15:7

Erhi emwâwe yakaba eri omukenyi, muguma w’omu bene winyu, aha muhango gwâwe muguma, muli cirya cihugo Nyamubâho, Nyamuzinda akuhà, orhazidohagya omurhima gwâwe, orhanabumbaga enfune zâwe wamânabona mwene winyu w’obuligo,

Lushika 15:8

ci onamubumbulire enfune zâwe, n’okumuhoza kalya kantu alagîrîrekwo.