Lushika 12:10 - BIBLIYA NTAGATIFU OMU MASHI

¹⁰ Mukolaga mwayikira Yordani, mwagendibêramwo cirya cihugo Nyamubâho, Nyamuzinda winyu amuhà mpu muciyîmemwo. Amucinga oku babisha bamulieburhambi muyûbake n’omurhûla.

Lushika 12:10 ပူးပေါင်းရင်းမြစ်များ

1 Bâm 8:56

«Ayâgirwe Nyakasane owahaga olubaga lwâge okuluhûka nk’oku anaderhaga omu binwa by’obwangà ahâniraga omu kanwa kw’omwambali Mûsa, byoshi ntâco ciru n’eciguma cabulabuzire.

1 Nganîro 22:18

Ka Nyakasane arhali haguma ninyu? Ammuhîre omurhûla e mpande zoshi kurhenga amango àhiraga abantu bàyûbakaga mw’eci cihugo idako ly’oburhegesi bwâni. Lêro bakola bashiga Nyakasane n’olubaga lwâge.

Ennanga 4:8

Waliha Nnâmahanga, omurhima gwâni oguyunjuze masîma, galushire ag’amango engano n’irivayi lyâbo biyêzire.

Lubungo 33:14

Nyakasane amubwîra, erhi: «Akabà orhayishiri wêne niene nayisha ngendikuha amarhamûko».

Migani 1:33

Ci kwône onyumva yêhe âyôrha adekerîre, anarhulûle buzira kuyôboha buhanya buci».

Yeremiya 23:6

Omu mango gâge Yûda âcira, na Israheli âdêkerera n’omurhûla. Lâba izîno bâkazimuderha: «Nyakasane, Bushinganyanya bwîrhu.»

Yeremiya 32:37

“Nâshûbûza olubaga lwâni kurhenga omu mahanga bàyâkiraga oburhè bwâni, nkolaga nabashanganya mbabwârhaze badêkerere omu murhûla”.

Yeremiya 33:11

ecihôgero c’omwîshingo, n’enyimbo z’abahya n’ez’abandi bantu bajihana enterekêro n’entûlo zâbo z’okuvuga omunkwa omu ka-Nyamuzinda, bayishikazicitakira mpu: «Ayâgirwe Nyakasane w’emirhwe bulya ali mwinjà, obuzigire bwâge buli bw’e­ nsiku n’amango». Bulyâla adesire erhi nâgalula ngasi balya babîre bajà, mbà­shubize omu cihugo câbo, nka kulyâla byanali burhanzi.

Ezekiyeli 28:26

Bayûbakamwo n’omurhûla, bâyûbaka enyumpa banarhwêre emizâbîbu; bâyûbakamwo n’omurhûla. Hano nkola nahâna obuhane kuli balya bamuzongolosire banakazâg’imugayaguza, bânamanyamwo oku nie Nyamubâho, Nyamuzinda wâbo.

Ezekiyeli 34:25

“Nâjira haguma nabo endagâno y’omurhûla; nârhenza ensimba nkali omu cihugo, bagendiyûbaka n’omurhûla omu irungu, banakaz’irhegeka omu mizirhu.”

Ezekiyeli 34:28

“Barhakacibà gwo munyago gw’amashanja, barhakacilibwa n’ensimba za hano igulu, bayûbaka omu cihugo câbo n’omurhûla, buzira kadugundu”.

Ezekiyeli 38:11

“Wâderha erhi nkola nârhabâlira ecihugo cirhajira nyumpa nzibuzibu; nkola nâjiyongoberera emwa abantu batûdu, bantu ba murhûla, bantu bayûbaka omu ngo buzira ngurhugurhu, ngo zirhahamikwa zirhanajira nyumvi”.

Ezekiyeli 38:8

Hano kugera nsiku nyinji, wâhâbwa amarhegeko, hano kugera myâka minji wârhabâlira ishanja lyàfuaga engôrho, lyàjaga lyàshûbûzibwa omu karhî ka embaga nyinji, lyàja omu ntondo z’Israheli, ezali irungu kurhenga mîra eryo ishanja lyashûbûzibagwa kurhenga omu mashanja, aha liciyûbakira libahwo n’omurhûla.

Lushika 11:31

Nêci, mukola mwayikira Yordani, mpu mugendiyanka ecihugo Nyamubâho Nyamuzinda winyu amuhà. Mwaciyanka cibè cinyu munaciyûbakemwo.

Lushika 3:27

Sôkera oku busongerwe bwa Pisiga, olikire amasù olunda lw’e emwênè, n’olw’emukondwè n’ebushoshôkero bw’izûba, ocîbonere n’agâwe masù, bulya orhayikire oyu Yordani.

Lushika 33:12

Kuli Benyamini, aderha, erhi: Benyamini ali murhonyi wa Nyamubâho, Ye anayegemîre burhahuligana. Ow’enyanya ye mulanga ensiku zoshi, ho anabêra aha karhî k’amalango gâge.

Lushika 33:28

Israheli ayûbaka ahantu h’omurhûla. Liri hâgo hâgo iriba lya Yakôbo, linadomêrere ecihugo c’engano n’idivayi, n’amalunga gâge ganakazirhoza olumè.

Lushika 4:22

Nêci, mwo nafira mwa cino cihugo rhulimwo, ntanayikira oyu Yordani. Mwêhe mwamuyikira mujiyanka cirya cihugo cinjacinja.

Lushika 9:1

Yumva Israheli. Woyo okolaga wayikira Yordani ene, okola wagendiyîmûla amashanja manene na mazibu kukulusha, okolawayanka emirhundu minene, miyûbakire n’ebyôgo byâyo bihisire omu nkuba-karhî.

Yozwe 11:23

Yozwè anacirhôla ecihugo coshi nka kulya Nyakasane anabwîraga Mûsa; Yozwè acîhà Israheli mpu aciyimemwo; ajà acigabanya nk’oku emilala yanali. Ecihugo cahûmûka n’okulwa.

Yozwe 14:1

Alaga ebi bene Israheli bahîrwe nka kashambala kâbo omu cihugo ca Kanâni, ebi bagabiragwa nka kashambala n’omudâhwa Eleazari, Yozwe mugala wa Nuni, abashamuka b’enyumpa z’emilala ya bene Israheli.

Yozwe 3:17

Abadâhwa bali babarhwîre omucîmba gw’amalaganyo ga Nyakasane, bayimanga ahantu hûmuhûmu omu karhî ka Yordani, nalwo olubaga ago mango lwakaziyikira n’amagulu burhajoma, kuhika ishanja lyoshi lyayûsa lyayikira Yordani.

Yozwe 4:12

Bene Rubeni, bene Gadi na cirya cihimbi ca bene Menashè, boshi bayikira, erhi banadwîrhe emirasano yâbo y’amatabâro, bashokolera bene Israheli nka kulya Mûsa anaderhaga.

1 Samweli 7:12

Okubundi Samweli anaciyanka ibuye aliyimânika ekarhî ka Mispa na Yoshana, analiyîrika izîno lya Ebeni-Ha-Azeri, kwo kuderha mpu kuhika aha Nyamubâho orhulwirire.