Lushika 10:14 - BIBLIYA NTAGATIFU OMU MASHI

¹⁴ Nyamubâho, Nyamuzinda wâwe ye Nnankubà ye na Nnâmahanga goshi, ye Nn’erigulu na ngasi binalibamwo byoshi.

Lushika 10:14 ပူးပေါင်းရင်းမြစ်များ

Murhondêro 14:19

Anacigisha Abramu ederha, erhi: «Abramu agishwe na Nyamuzinda w’enyanya bwenêne owalemaga amalunga n’igulu,

Murhondêro 14:22

Ci kwône Abramu ahûna oyo mwâmi w’e Sodomo, erhi: «Ndengezize okuboko kwâni emunda Nyamuzinda w’enyanya bwenêne ali ye walemaga amalunga n’igulu».

1 Bâm 8:27

“Cikwônene ka kwo binali Nyamuzinda ho anabà hanôla igulu? Ci lolà okw’igulu lirhankabona aha lya muhira: kurhigi byankabà lyôhe mw’eno nyumpa namâyûbaka!”

2 Nganîro 6:18

Ci kwônene ka kwo binali, Nyamubâho anayûbaka haguma n’omuntu hanôla igulu? Lolà oku empingu, n’empingu y’amalunga birhankahasha okukuyûbarhira wêshi: lêro lyôhe, kurhigi kuli eyîra nyumpa nayûbakaga!

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Ayubu 41:11

Omu kanwa kâge munakaz’irhenga endimi z’omuliro, munakaz’iyômoka emitulika y’omuliro.

Ennanga 115:16

Empingu ebà ya Nyakasane, igulu lyôhe abantu bàlishobwîre.

Ennanga 148:4

Mumukuze mwe malunga g’oku nkuba, ninyu mwe mîshi mubà emalunga mumukuze.

Ennanga 24:1

Lulanga. Lwa Daudi. Igulu n’ebibâmwo byoshi bibà bya Nyakasane, Ye Nnâmahanga goshi n’ebiremwa byâgo byoshi.

Ennanga 50:12

Nka kwàli kushalika ntankakubwîzire bulyâla amahanga goshi gâni na ngasi bimuli byoshi byâni.

Ennanga 68:33

Mwe mâmi g’igulu muyimbire Nnâmahanga, muzihire Nyamwagirwa olulanga. Ye Nyamwagirwa oyishire oku malunga, oku malunga g’ensiku n’amango.

Lubungo 19:5

Lêro, mukâyumva izù lyâni n’okushimba endagâno yâni, mwâbà mwîmo gwâni omu mashanja goshi, bulya igulu lyoshi liri lyâni;

Lubungo 9:29

Mûsa àmushuza, erhi: «Hano nantenga muno lugo, nagend’iyinamulira amaboko gâni emunda Nyakasane ali: emilazô yahuba, n’olubula lurhâcinie, lyo omanya oku igulu lyoshi liri lya Nyakasane.

Izaya 66:1

Ntyâla kwo Nyakasane adesire: Empingu yo ntebe yâni y’obwâmi, n’igulu co citumbi mpirakwo amagulu. Nyumpa nci mwankanyûbakira na ngahi hankabà buluhûkiro bwâni?

Ebijiro 17:24

“Nyamuzinda walemaga igulu n’ebibâmwo byoshi, bulya ye Nyakasane w’irunga n’igulu, arhabà omu nyumpa zayûbakagwa n’amaboko g’abantu”.

1 Bakorinti 10:26

Bulya igulu libà lya Nyakasane n’ebimubà byoshi.

1 Bakorinti 10:28

Cikwône erhi ankakubwîra, erhi: «Ebi byarherekîrwe abazimu», orhabiryagakwo, erhi olya wakubwîraga orhuma bo n’omurhima gwâge.

2 Bakorinti 12:2

Nyîshi omuntu muli Kristu hamagera myâka ikumi n’ini. Oyo muntu, -erhi ali ahêsire omubiri, ntishi erhi agusiga ntishi, Nyamuzinda yêne amanyire, - erhi bamuzirundukana omu malunga, bamuhisa omu irunga lya kasharhu.

Lushika 10:13

okushimba ebinwa n’aga marhegeko ga Nyamubâho nkurhegesire ene mpu lyo oyishibêrwa.

Lushika 33:26

Ntâye oli aka Nyamuzinda wa Yeshuruni, ye olya ojà wagera e malunga mpu akurhabâle ntyo, n’obuhashe bwâge alambagire oku bitù.