Lushika 1:35 - BIBLIYA NTAGATIFU OMU MASHI

³⁵ «Ntà muntu ciru n’omuguma w’eri iburha libî wâlabarhe mwa cirya cihugo cinjà nacîgashaga nti nahà basho.

Lushika 1:35 ပူးပေါင်းရင်းမြစ်များ

Ennanga 106:26

Lêro alengeza okuboko acîgasha, mpu arhabalambisiri omu mpinga,

Ennanga 95:11

Nacigasha muli obwo burhè, nti: «Barhâlabarhe omu iluhûkiro lyâni.»

Ezekiyeli 20:15

Kulusha okwôla nanaciyînamulira okuboko kwâni kuli bwo omwôla irungu, omu kulahira nti ntabahêke muli cirya cihugo nabahâga, cihugo cihulula mwo amarhà n’obûci, cihugo cinjà omu bindi bihugo byoshi.

1 Bakorinti 10:5

Cikwône banji muli bo barhasimîsagya Nnâmahanga; kwarhuma emibiri yâbo yalambama omu mpinga.

Lushika 1:8

Loli ecihugo mpizire omu nfune zinyu; kanyagi muyanke ecihugo Nyamubâho alaganyagya basho, Abrahamu, Izaki, na Yakôbo, oku abahaco cibè câbo bona obûko bwâbo enyuma zâbo.»

Lushika 2:14

Akasanzi rhwajire rhwagenda, kurhenga e Kadesi Barnea, kuhika amango rhwayikiraga omugezi gwa Zaredi kali ka myâka makumi asharhu na munâni; ntyo, omurhwe gwa balya boshi bâli bakola balume b’okujà oku matabâro gwàli gwamahwa omu cihando, nka kulya Nyamubâho àli acîgashire.

Bahabraniya 3:14

Kali rhwe rhukola baguma na Kristu, caziga rhulange obuyêmêre bwîrhu buzibu kuhika okufà, nka kulya rhwanarhangiraga.

Bahabraniya 3:16

Bahi balya bàgomaga, bamâyumva izù lyâge? K’arhali balya boshi bàrhengaga e Mîsiri, balongôlirwe na Mûsa?