Lushika 1:28 - BIBLIYA NTAGATIFU OMU MASHI

²⁸ Mpu yo ngahi eyo rhwasôkera? Bene wîrhu barhutwîre omurhima ene baderha, erhi: luli lubaga luzibu na lunji kurhulusha, erhi emirhundu yâbo eri miyûbakire buzibu-zibu n’ebyôgo byâyo bisokîre omu nkuba karhî, erhi ciru rhwanabwineyo Anakimu».

Lushika 1:28 ပူးပေါင်းရင်းမြစ်များ

Murhondêro 11:4

Banacibwîrana mpu: «Ewa yâgi: Rhuyûbake olugo, kandi rhuhirekwo enkingi yahika oku nkuba malunga. Ntyo nîrhu rhwanakâderha oku nîrhu rhuli balume là, na kandi okwôla kwanarhuma rhurhacishandabana omu igulu».

Lubungo 15:15

Abarhambo b’omu Edomu bàjuguma; Abaluzi b’e Mowabu bàgeramwo ogwa nyegenye; abayûbaka omu Kanâni boshi bàdirhimana.

Izaya 13:7

Co cirhumire ngasi maboko gârhà enjingo na ngasi bantu batwîka omurhima.

Ezekiyeli 21:7

«Mwene omuntu, oyêrekere olunda lw’e Yeruzalemu, oderhe akanwa oku ka-Nyamuzinda, onaderhe ebinwa by’obulêbi oku cihugo c’Israheli».

Lushika 1:29

Namubwîra obwo, nti: «Murhageragamwo musisi, murhabayobohaga.

Lushika 2:10

Bayemimi bàyûbakaga muli eco cihugo amango ga mîra, lwàli lubaga luzibu; lunji na lwa bantu balîrî aka Ba-Anakîmi.

Lushika 20:20

Ci kwône emirhi obwîne oku erhali mirehe wanayishôshola oyikube, onajiremwo obushanja walwîsamwo olu lugo ludwîrhe lwakulwîsa kuhika olulambike oku idaho.

Lushika 20:8

Abandisi banashubibwîra olubaga okûla nako, erhi: «Ndi olyâla oyôbohire n’omurhima gurhacimuli omu nda Agende ashubire emwâge akanarhuma omurhima gwa mwene wâbo gwajonga ak’ogwâge.»

Lushika 7:17

Okolaga waderha emurhima gwâwe erhi aga mashanja gamabà manji kundusha, kurhi nakahasha nagahulusa wâni?

Yozwe 11:22

Harhasigalaga Anakimi ciru n’omuguma omu cihugo ca bene Israheli coshi, bacisigîre aha Gaza, aha Gati n’aha Ashdodi honênè.

Yozwe 14:8

“Ci bene wîrhu, abà rhwàli rhusôkire eyo rhweshi, barhumire abandi ba­ twika omurhima, niono nashimbulira bwinjà Nyakasane, Nyamuzinda wâni”.

Yozwe 15:14

Kalebu anacihulusamwo bene Anaki oku banali basharhu, Sheshayi, Ahimani na Talmayi, boshi iburha ly’Anaki.

Yozwe 2:11

N’erhi rhuyumva ntyo rhweshi, rhwarha omurhima, ngasi muguma muli rhwe atwisire omurhima erhi rhuyumva mpu muyiruka; bulya Nyakasane, Nyamuzinda winyu, yêne ye ba Nyamuzinda era nyanya empingu na hano idako omw’igulu.

Yozwe 2:24

Banacibwîra Yozwè, mpu: «Kwo binali Nyakasane arhuhîre ecihugo coshi, ciru n’abantu ba mw’eco cihugo boshi badwîrhe bageramw’omusisi embere zîrhu».

Yozwe 2:9

«Manyire oku Nyakasane amuhîre eci cihugo, n’obôba bwinyu bwarhujirekwo, abantu boshi badwîrhe bageramw’omusisi erhi mwe murhuma.

Bacîranuzi 1:10

Yûda arhabâlira abanya-Kanâni bayûbakaga aha Hebroni, hakazagiderhwa burhanzi mpu Kiryati-Arba, banacihimayo Sheshayi, Ahimani na Talmayi.

Bacîranuzi 1:20

Hebroni banacimuhà Kalebu nk’oku Mûsa anali adesire, naye akungushamwo balya bagala basharhu n’Anaki.