Luka 9:49 - BIBLIYA NTAGATIFU OMU MASHI

⁴⁹ Yowane anacimubwîra, erhi: «Yâgirwa, rhwabonaga omuntu alibirha­ kwo abashetani oku Izîno lyâwe, rhwalonz’imuhanza, bulya arhakukulikira haguma nîrhu».

Luka 9:49 ပူးပေါင်းရင်းမြစ်များ

Mateyo 3:14

Obwo Yowane amuhanza, anamubwîra, erhi: «We wankambatizize, kurhi wayishirage emwâni!»

Luka 5:5

Simoni amushuza, erhi: «Waliha, rhwalibusire obudufu bwoshi, rhurhanabwîne cici; ci oku kanwa kâwe, nkolaga narhega orhwêshe».

Luka 9:33

Erhi abo bantu bayegûka, Petro abwîra Yezu, erhi: «Waliha, kuli kwinjà rhubêre hano; rhuyûbakeho rhuyumpa rhusharhu: higuma hyâwe, ehindi bya Mûsa n’ehindi hya Eliya». Erhi arhacimanyiri bici adwîrhe aderha.

Ebijiro 5:28

«Ka rhurhammuhanzagya n’obwâlagale nti murhakâg’iyigîriza muli eryo izîno? Mw’oyo mwalumîzize enyigîrizo zinyu omu Yeruzalemu! Wabona mwalonza omukò gw’oyo muntu rhubè rhwe gutumuzibwa!»

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.