Luka 9:43 - BIBLIYA NTAGATIFU OMU MASHI

⁴³ Boshi barhangâla banasômerwa n’obukulu bwa Nyamuzinda. Okubundi erhi boshi babà badwîrhe basômerwa n’ebyo akâg’ijira, anacibwîra abaganda bâge, erhi:

Luka 9:43 ပူးပေါင်းရင်းမြစ်များ

Ennanga 139:14

Ncîkwitakîre bulya oku wanjirîre kusômerîne, bulyâla emikolo yâwe eri ya kurhangâza. Omurhima gwâni ogumanyire bwinjà,

Zakariya 8:6

Ntya kwo Nyakasane w’Emirhwe adesire: «Akabà okwo ciri cisômerîne omu masù g’emisigala y’olubaga lw’Israheli, ka nâni ciri co emwâni? Cikwône niehe nanahash’ijira ntyo, niono Nyakasane w’Emirhwe.

Mateyo 17:22

Erhi bacibà bali boshi haguma omu Galileya, Yezu anacibabwîra, erhi: «Mwene-omuntu ayish’ihânwa omu maboko g’abantu.

Marko 6:51

Okubundi ajà omu bwârho haguma nabo, omulaba gwatwîka. Bazânwa, barhangâla:

Luka 18:43

Ho na halya ayirukira abona; amukulikira, aj’akuza Nnâmahanga. Nalwo olubaga erhi lubona, okwo, lwajîra Nyamuzinda irenge.

Luka 4:36

Boshi bageramwo omusisi, bakâbwîrana bône na nnene, mpu: «Ema! Kwo kurhi oku? Ci adwîrhe arhegeka abashetani n’obuzibu n’obuhashe, banadwîrhe bahuluka!»

Luka 5:26

Boshi barhangâla, bakuza Nnâmahanga; bageramwo omusisi, banarhondêra baderha, mpu: «Rhwabwîne ebirhangâzo ene».

Luka 5:9

Bulya obwôba bwàli bumugwêrhe bo n’abàli boshi, erhi obwo budubi bw’enfî burhuma.

Luka 8:25

Okuhandi ababwîra, erhi: «Ngahi obuyêmêre bwinyu buli?» Banacigeramwo omusisi, banarhangâla; balolanakwo bône na nnene, mpu: «Lêro ye ndi oyu? Ci yêhe adwîrhe arhegeka empûsi n’enyanja, binamuyumve!»

Luka 9:42

Nyamwâna erhi ayêgera, shetani anacimurhi­mbà oku idaho, amuzunguza anamugalagula kagali kûmu. Yezu anacikankamira olya shetani, afumya omwâna, amugalulira îshe.

2 Petro 1:16

Bulya rhurhakolêsagya migani y’obwenge erhi rhummumanyisa obuhashe n’okuyisha kwa Nnawîrhu Yezu Kristu, ci kulya kubà rhwêne rhwabwîne n’amasù gîrhu obulangashane bw’irenge lyâge.