Luka 9:34 - BIBLIYA NTAGATIFU OMU MASHI

³⁴ Oku acidwîrhe aderha ntyo, olwikungu lwayisha, lwababwîka. Erhi olwikungu lubabwîkira, abaganda barhungwa n’obwôba.

Luka 9:34 ပူးပေါင်းရင်းမြစ်များ

Izaya 19:1

Obulebi buyêrekîre Mîsiri. Alà oku Nyakasane amashonera oku citù cibidu, amaj’e Mîsiri. Ba­ nyamuzinda b’obwîhambe b’e Mîsiri bamâdundagana embere zâge, n’abanya-Mîsiri omurhima gwamâbarhoga omu nda.

Daniyeli 10:8

Nasigala niene, nakazilolêreza olyâla wambonekeraga, nayumva emisî ya­ mpwamwo, obusù bwâni bwatulûla, bwabîha bwenêne na ntà misî nacigwêrhe.

Luka 9:33

Erhi abo bantu bayegûka, Petro abwîra Yezu, erhi: «Waliha, kuli kwinjà rhubêre hano; rhuyûbakeho rhuyumpa rhusharhu: higuma hyâwe, ehindi bya Mûsa n’ehindi hya Eliya». Erhi arhacimanyiri bici adwîrhe aderha.

Luka 9:35

N’izù lyanacirhenga mwa lulya lwikungu, erhi: «Oyu ye Mugala wâni, ye Mwîshogwa wâni: mumuyumve».

Mafulûlo 1:17

Erhi mmubona, nacîrhimba aha magulu gâge, nâbà nk’ofîre. Anacimpumakwo n’okulyo kwâge, ambwîra, erhi: «Orhayôbohaga: ‘nie Murhanzi, nie na Muzinda’,

Bacîranuzi 13:22

Manoahi anacibwîra mukâge, erhi: «Rhukolaga rhwafà obu rhwamâbona Nyamuzinda».

Bacîranuzi 6:22

Gedeoni anacibona oku anali malahika wa Nyakasane. Gedeoni anaciderha, erhi: «Mâshi! Yâgirwa Nyakasane, kuziga nabwinage malahika wa Nyakasane n’amasù gâni, busù oku busù».