Luka 8:49 - BIBLIYA NTAGATIFU OMU MASHI

⁴⁹ Oku acidwîrhe aderha, muntu muguma wahubukaga emwâge ayish’ibwîra omukulu w’esinagogi, erhi: «Mwâli wâwe amârhengamwo omûka; orhacîrhamagya Omuyigîriza».

Luka 8:49 ပူးပေါင်းရင်းမြစ်များ

Izaya 7:12

Ahazi anacishuza, erhi: «Ntahûne bici, ntarhangula Nyakasane.»

Mateyo 26:10

Ci erhi Yezu acimanya, ababwîra, erhi: «Cirhumire mwabêra oyu mukazi emitula? Cijiro cinjà anjirîre obu.

Mateyo 9:18

Erhi akaz’ibabwîra ntyo, murhwâli muguma amujaho, akamuharâmya anamubwîra, erhi: «Mwâli wâni amâfà; ci oyîshe, omuhumekwo, lyo alama».

Marko 5:22

Hanaciyisha muguma w’omu bakulu b’esinagogi, izîno lyâge ye Yayiri. Erhi amubona, afukama embere zâge,

Luka 11:7

“Naye amushuzize omu nyumpa, anamubwîre, erhi”: “Orhambere irhwe; mîra lwahamika­gwa, nankola ngwîshîre n’abâna bâni; ntankacizûka nti nkuhè”.

Luka 7:6

Obwo Yezu anacilîkûla bona bo. Erhi ayêrekera ebwa nyumpa, olya mukulu w’abasirika arhuma abîra bâge, erhi: «Mâshi, Nyamwagirwa, orhacîrhamye, bulya ntakwânîni ojè omu mwâni.