Luka 8:22 - BIBLIYA NTAGATIFU OMU MASHI

²² Byanacibà ntyo! Lusiku luguma anacijà omu bwârho bo n’abaganda bâge, ababwîra, erhi: «Rhuyikirire ishiriza». Banacisokera emuhengere.

Luka 8:22 ပူးပေါင်းရင်းမြစ်များ

Mateyo 14:22

Ho n’aho, Yezu anacisêza abaganda bâge mpu bajè omu bwârho, babè bashokola banayikire enyanja, oku naye asêzera abantu.

Mateyo 8:18

Lêro erhi abona orhutu rhunji rhw’abantu eburhambi bwâge, Yezu aderha mpu bayikire enyanja.

Marko 5:21

Erhi Yezu abà amâshub’iyikirira ishiriza omu bwârho, bantu banji bamushûbûkira. Abêra oku mushenga gw’enyanja.

Marko 6:45

Ho n’aho asêza abaganda bâge mpu bajè omu bwârho, babè bashokola banayikirir’e Betisayida, oku naye acidwîrhe asêzera abantu.

Marko 8:13

Anacibasêzera, acirhulira omu bwârho, ayikirira erindi ishiriza.

Luka 5:1

Lêro lusiku luguma erhi olubaga lumulundûkîre mpu luyumve oluderho lwa Nnâmahanga, erhi naye ayîmanzire eburhambi bw’enyanja y’e Jenezareti,

Luka 8:23

N’erhi babà badwîrhe bavugama, ahunga. Empûsi yanacizûka, yatula omulaba omu nyanja; obwârho bwayunjula mîshi, babona bakola bali omu kaga.

Luka 8:33

Obwo balya bashetani banacirhengamwo olya muntu, bajà omu ngulube; obusò bwahona oku manga, bwagend’iciloha omu nyanja, bwanacizika.

Yowane 6:1

Okuhandi Yezu anaciyikirira ishiriza ly’enyanja y’e Galileya, ederhwa Tiberiyadi.

Ebijiro 27:2

Rhwanacishonera omu nkugè y’e Adramiti yajaga yabarabanya omu ntambi z’e Aziya. Rhwasûka, erhi rhuli haguma n'Aristarko, Mumacedoniya w’e Tesalonika.