Luka 7:46 - BIBLIYA NTAGATIFU OMU MASHI

⁴⁶ Orhanshizire mavurha omu irhwe; yêhe anshîzire omugavu oku magulu.

Luka 7:46 ပူးပေါင်းရင်းမြစ်များ

2 Samweli 12:20

Ago mango Daudi azûka, acîshuka, acîshîga ahingûla n’emyambalo. Okubundi aj’omu ka-Nyamuzinda afukama. Erhi agaluka emwâge, aderha oku bamuhè ebiryo; arhondêra okulya.

2 Samweli 14:2

Na ntyo Yowabu arhuma mpu bacilonza omukazi oyengehusire e Tekowa. Abwîra oyo mukazi, erhi: «Nkuhûnyire, ocîjire nka muntu oli omu mishîbo, oyambale emishangi y’emishîbo, orhacîshîgaga mavurha, oyôrhe nka mukazi okola oli omu mishîbo kurhenga nsiku zirhali nyi.

Ennanga 104:15

We rhuma idaho lyarhengamwo omugati lirhengemwo n’irivayi lyahiramwo omuntu orukara, lirhengemwo orhuvurha omuntu acêsamw’obusù, lirhengemwo n’ehigati omuntu agalulamwo amarhî.

Ennanga 23:5

Wanteganyiza ecîbo c’ebiryo, erhi n’abashombanyi bâni badwîrhe basinza. Irhwe lyâni wamâlibumba mavurha, n’akabehe kâni kayunjwîre cinyôbwa.

Muhanûzi 9:8

Okaziyôrha oyambîrhe ebyêru-byêru, n’amavurha garhakalaga oku irhwe lyâwe!

Daniyeli 10:3

Ntaderhaga nti nakalya ebiryo binjinjà; enyama erhanjaga ekanwa n’idivayi, ntanaderhaga nti nankacigezakwo amavurha kuhika ezôla nsiku z’emigobe isharhu zalinda zihwa.

Amosi 6:6

Mudwîrhe mwanywêsa amamvu omu bikombe, mwacîshiga amavurha mi­njà minjà, ci murhababîri n’okushâbûka kwa Yozefu.

Mikeyo 6:15

Wâmîra emburho ci orhasârûle. Wâyenga amalehe g’omuzêti n’obwo orhacîshîge amavurha gâyo. Wâkanda emizâbîbu ci orhânywe oku idivayi lyâmwo.

Mateyo 6:17

Ci wêhe, nka wacîshalisa, ohebe amavurha omu irhwe onashuke obusù bwâwe;

Luka 7:47

Kuli okwo, nkubwîre: akulîrwe ebyâha byâge binji, bulya azigîre bwenêne. Ci ngasi obabalirwa bunyi, bunyi azigira».

RUTI 3:3

Oku wajira, ojage ahôla ocîshuke, onacishîge, onayambale ecishûli câwe, onayandagalire ebwa câno. Orhacîmanyîsagya emunda ali kuhika ayûse okulya n’okunywa.