Luka 7:44 - BIBLIYA NTAGATIFU OMU MASHI

⁴⁴ Anacihindukira olya mukazi, abwîra Simoni, erhi: «K’o­ bwîne oyu mukazi? Najîre muno mwâwe, orhanshusire magulu; yêhe a­mvugumulire emirenge oku magulu, anagahôrhola n’emviri zâge.

Luka 7:44 ပူးပေါင်းရင်းမြစ်များ

Murhondêro 18:4

Baj’ilêrha mîshi masungunu mukalabe amagulu, munarhamûkire hali ogu murhi.

Murhondêro 19:2

Aderha, erhi: «Mmuhûnyire mâshi banawîrhu muyishe muyandagalire emwa mwambali winyu muj’ihandayo, mugeze amîshi oku magulu, n’irhondo sêzi mwanahira njira», ci bôhe bashuza, mpu: «Nanga, rhwalâla muno ngo».

Murhondêro 43:24

Olya murhumisi erhi abà amabahisa omu nyumpa ya Yozefu, abahêreza amîshi, nabo banacîkalaba amagulu; n’endogomi zâbo azihêreza obwasi.

2 Samweli 11:8

Buzinda Daudi abwîra Uriya, erhi: «Jaga emwâwe, okalabe amagulu.» Uriya ahuluka omu ndâro bamukulikiza n’ibimbi ly’oku cîbo c’ebugale.

Luka 7:38

Ayimanga enyuma aha magulu gâge, arhondêra amuvugumulira emirenge oku magulu anayihôrhola n’emviri z’oku irhwe lyâge; akamununugurha amagulu anagashîga omugavu.

Luka 7:43

Simoni ashuza, erhi: «Ncîkêbirwe nti olya nyakubabalirwa oku binji». Anacimubwîra, erhi: «Wadesire oku binali».

Yowane 13:5

Okuhandi anacidubulira amîshi omu ibakuli, arhondêr’ashuka amagulu g’abaganda bâge n’okugahorhola na cirya citambara ali akobesire.

1 Timoteyo 5:10

Kukwânîne abè amanyikîne oku bijiro byâge binjà, abè alezire kwinjà abâna bâge, abè ahandisize ebigolo n’okushuka abatagatîfu amagulu, abè arhabîre abâli omu malibuko, anabè ajizire aminjà ga ngasi lubero.

Yakôbo 2:6

Ninyu mudwîrhe mwakabôla abakenyi! Ka barhali bagale bammushoshôba? K’arhali bo bammuhêka e kagombe?

Bacîranuzi 19:21

Amuhêka omu nyumpa yâge, n’endogomi zâge azilisa bwinjà; nabo bakalaba amagulu, bàlya, bananywa.

1 Samweli 25:41

Nyamukazi anaciyimuka, afukama afukamiriza, ak’amalanga kahika oku idaho, anacishuza erhi: «Lolà oku mwambalikazi wâwe akola abà mujà-kazi w’okukashuka amagulu g’abarhumisi ba Nnawîrhu».