Luka 7:22 - BIBLIYA NTAGATIFU OMU MASHI

²² Okubu­ndi anacibashuza, ababwîra, erhi: «Mugend’ibwîra Yowane ebi mwabwîne n’ebi mwayumvîrhe: emihûrha edwîrhe yabona, abahozire amagulu badwîrhe bafuma, abashomyo badwîrhe bafuma, ebihuli bidwîrhe byayumva, abafu badwîrhe bafûka, abakenyi badwîrhe babwîrwa Emyanzi y’Akalembe.

Luka 7:22 ပူးပေါင်းရင်းမြစ်များ

Ayubu 29:15

Nalinkola nie masù g’omuhûrha, na magulu g’ecirema!

Ennanga 146:8

Empira Nnâmahanga ye zirikûza, abahusire anabazibûle engohe.

Izaya 42:16

Nâgeza emihûrha omu njira erhishi, nâyilongolana omu mikâba erhasâg’igerwamwo bundi. Embere zâbo, omwizimya nâguhindula bulangashane, n’enjira z’orhubanda-rhubanda nzijire nnongêdu. Eyo mihigo nâyiyunjuza, ntabule bwayiyûkiriza.

Izaya 43:8

«Hulusa olu lubaga lw’emihûrha egwêrhe amasù, ebi bihuli bigwêrhe amarhwîri!»

Yeremiya 31:8

Nâbashûbûza kurhenga omu cihugo c’enjira nyanya, n’ambahuluza kurhenga emahanga g’igulu. Bo balimwo emihûrha n’enkunagizi, abakazi bali nda, n’abazîre, boshi haguma, olubaga lwâni lugaluke oku lwanali.

Sofoniya 3:12

Bantu bîrhôhye bônene n’abakenyi naleka muli we, abakampûna mpu mbalange.

Mateyo 11:5

Emihûrha edwîrhe yabona, abahozire amagulu badwîrhe bagenda, abashomyo badwîrhe bafuma, n’ebihuli bidwîrhe byayumva, abafîre badwîrhe bafûka n’abakenyi badwîrhe babwîrwa Emyanzi y’Akalembe.

Mateyo 21:14

Emihûrha n’ab’amagulu gahozire bamushegeraho omu ka-Nyamuzinda; anacibafumya.

Luka 4:18

Omûka gwa Nyakasane kuli nie, bulya anshîzire amavurha, antuma mpu ngend’iyigîriza abakenyi emyanzi y’akalembe, mbale omwanzi gw’o­buyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla,

Luka 7:21

Muli ako kasanzi, anacifumya bantu banji endwâla, obuzamba n’abashetani, anahurhûla mihûrha minji.

Luka 7:23

“N’iragi lyâge orhasârhiri erhi nie ntuma!”»

Yowane 1:46

Natanaeli amushuza, erhi: «K’e Nazareti ya­nkarhenga akantu kinjà?» Naye Filipo, erhi: «Yisha, ocîbonere».

Ebijiro 26:18

lyo obahûrhûla amasù, barhenge omu mwizimya, bajè ebwa bulangale, baleke okushiga shetani, bashige Nnâmahanga; na ntyo, obuyêmêre banyêmêra burhuma, bababalirwe ebyâha byâbo banashobôle okuyish’iyîma haguma n’abatagatîfu.

Ebijiro 8:7

Kwo binali: banji bàlimwo shetani, akabarhengamwo aj’ayâma; na banji bâli bahozire ebirumbu n’ebirema bakâg’ifuma.

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?