Luka 7:2 - BIBLIYA NTAGATIFU OMU MASHI

² Obwo erhi murhambo muguma wa basirika igana omwambali agogomîrwe bwenêne ali obufa, erhi anali murhonyi w’omurhambo.

Luka 7:2 ပူးပေါင်းရင်းမြစ်များ

Murhondêro 24:27

ederha, erhi: «Oyâgirwe Nyakasane, Nyamuzinda wa nnawîrhu Abrahamu, ôrharhînyirîre okurhonya n’okulumehera nnâhamwîrhu. Nyamubâho yêne oyûla onnongolîne kuhika aha mwa mwene wâbo nnâhamwîrhu».

Murhondêro 35:8

Oku bundi, Debora, mulezi wa Rebeka, anacifà, abishwa idako lya Beteli aha murhi; n’aho kwo bahaderha mpu Murhi gw’Emirenge.

Ayubu 31:5

Ka nkola njîre omu njira mbî, K’okugulu kwâni kwalibirhîre omu burhebanyi?

Migani 29:21

Orhogoza omujà ociri murhò, erhi akula anamukulire.

Mateyo 27:54

Omukulu w’abasirika n’abandi bantu bakâg’ilanga Yezu haguma naye erhi babona igulu ligeramwo omusisi n’ebindi byabîre byoshi, bayôboha bwenêne, banaderha, mpu: «Nêci, kwo binali oyu muntu anali Mugala wa Nyamuzinda!»

Luka 23:47

Omukulu w’abasirika erhi abona okwo, akuza Nyamuzinda, erhi: «Nêci, kwo binali, oyu muntu ali mwimâna!»

Luka 7:1

Erhi ayûs’ibwîra olubaga ebyo binwa, ajà omu Kafarnaumu.

Luka 7:3

Erhi ayumva emyanzi ya Yezu, anacimurhumira abashamuka b’Abayahudi, mpu bagend’imusengerera ayish’imufumiza omwambali.

Luka 8:42

Bulya ali agwêrhe omwâna w’obunyere wa cûsha, wa myâka ikumi n’ibiri muburhe, erhi anali bufà. Erhi akola ayijà, olubaga lunji lw’abantu lwàli lumukulikîre lwamugorha.

Ebijiro 10:1

E Sezareya yabaga mulume muguma, mpu ye Korneliyo. Ali murhegesi w’engabo ederhwa y’Abatalyano.

Ebijiro 10:7

Erhi, olya malahika wakâg’imuganiza agenda, ahamagala bambali babirhi, abahirakwo n’omusirika orhînya Nyakasane, muguma w’omu balâlîzi bâge.

Ebijiro 22:26

Erhi ayumva ntyo, oyôla murhegesi w’omurhwe gw’a­basirika agend’ibwîra omukulu w’abasirika, erhi: «Kurhi wâjira? Ci oyo muntu, amâbà Muroma!»

Ebijiro 23:17

Naye Paolo anacihamagala muguma omu barhegesi b’emirhwe y’abasirika, amubwîra erhi: «Oyu mwâna, omuhekere omukulu w’abasirika, bulya agwêrhe oku amubwîra».

Ebijiro 27:1

Erhi babà bamahiga mpu rhurhûlirwe e Italiya, Paolo n’abandi bashwêke bahâbwa omurhambo w’omurhwe gw’abasirika guderhwa Agusta, n’oyo murhambo izîno lyâge ye Juliyo.

Ebijiro 27:3

Olusiku lwakulikiraga, rhwahika e Sidoni. Juliyo ajirira Paolo bwinjà, amuyêmêrera okujà emwa abîra bâge mpu bamurhabâle.

Ebijiro 27:43

Ci omurhambo w’omurhwe alahira ihano lyâbo, bulya àli alonzize okuciza Paolo. Anacirhegeka mpu abayish’iyôga bacîkwêbe omu mîshi barhanzi, bayikirire e bulambo,

Bakolosi 3:22

Mwe bashizi, mukaz’iyumva bannawinyu b’en’igulu muli byoshi, arhali bulya mudwîrhe mwabonwa; nka kulya abalonza okusîma abantu bayôrha, ci n’omurhima nkana, bulya murhînyire Nyakasane.