Luka 6:45 - BIBLIYA NTAGATIFU OMU MASHI

⁴⁵ “Omuntu nkana omu muhako mwinjà gw’omurhima gwâge arhenza aminjà; n’omuntu mubî omu muhako mubî gw’omurhima gwâge arhenza amabî”. “Bulya ebifukanîne emurhima, kanwa kâge kabiderha”».

Luka 6:45 ပူးပေါင်းရင်းမြစ်များ

Ennanga 140:5

Nciza mâshi, Yâgirwa, nkûla omu nfune z’omubisha, ncinga oku muntu w’ecikalarhu: abalâlire mpu bankube,

Ennanga 59:12

Obanigûze mâshi Nnâmahanga, bankanashubîrira babè bo bakoler’olubaga lwâwe buligo, obashandâze n’emisî yâwe obahire okw’idaho, Nyamwagirwa we mpenzi yîrhu.

Ennanga 59:7

Erhi byayîsh’ibà bijingo, banayisha bâmoka nka bibwa, bajè bahulahula omu lugo.

Migani 12:18

Omuntu oderha duba, kwo ayagazanya nka ngôrho, ci olulimi lw’abashinganyanya kufumya lufumya.

Migani 15:23

Omuntu asîma alîke akanwa kinjà, ci kandi bwenêne kulusha asîma akoze omu kushuza.

Migani 4:23

Olange omurhima gwâwe, kulusha ebindi byoshi, gwo gubà nshôko y’obuzîne.

Yowane 7:38

“na ngasi onyêmîre, nk’oku Amandiko gadesire”: “enyîshi z’amîshi g’obuzîne zâhulule omu nda yâge”».

Ebijiro 5:3

Petro anacimubwîra, erhi: «Ananiya, cirhumire Shetani akuyanka omurhima, anakushumika mpu onywêrhere Mûka Mutagatîfu onayôrhane ecigabi c’engulo y’ishwa lyâwe?

Befezi 3:8

Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero

Befezi 4:29

Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo.

Befezi 5:19

Mukazibwîrana ennanga, ebîtakîro n’enyimbo z’obunya-Mûka; mukâyimba n’okukuza Nyakasane n’omurhima gwinyu gwoshi.

Bakolosi 3:16

Oluderho Lwa Kristu lusêre bwenêne omu mirhima yinyu. Mukaz’ilubwirizanya, munakaz’ihanûlana n’obushinganyanya. N’omurhima gwinyu gwoshi mukâyimbira Nnâmahanga ennanga, ebîtakîro n’enyimbo z’obunya-mûka, munakamuvuga omunkwa.

Bakolosi 4:6

Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.

Bahabraniya 8:10

Alaga endagâno nalagâna n’enyumpa y’Israheli enyuma ly’ezo nsiku, kwo Nyakasane adesire: Nâhira amarhegeko gâni omu nkengêro zâbo, mbayandikego omu mirhima, nnambè Nyamuzinda wâbo, nabo babè bantu bâni.

Yûda 1:15

mpu atwîre abantu boshi olubanja, anayagîrize emihera yoshi oku bijiro bibî bàkozire n’oku binwa by’ebijâci abo banya-byâha b’emihera bamuderhîre».