Luka 6:25 - BIBLIYA NTAGATIFU OMU MASHI

²⁵ Muli bahanya mwe muyigusire buno, bulya mwacishalika! Muli bahanya mwe mudwîrhe mwasheka buno, bulya mwacilaka munabande endûlù!

Luka 6:25 ပူးပေါင်းရင်းမြစ်များ

Ennanga 49:19

Ciru akabà amango àli acizîne àcîbwîzire ebinwa binjà, mpu: «abandi bakusîma obûla ocîkômbire wêne»,

Migani 14:13

Amasheka ganayishemwo oburhè, n’obusîme buzinde erhi eri mirenge.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Muhanûzi 2:2

Amasheka, nti: isirhe! Ebinuna nti cirigi cici?

Muhanûzi 7:3

Aha omuntu ankasheka ankabà burhè, n’obukali bw’ebusù buyinjiha.

Muhanûzi 7:6

Bulyâla olwimbo lw’omusirhe kwo lujira olubî nka nshâli za mishûgi îdako ly’enyungu; kuli kurhebwa.

Izaya 28:7

Abâla nabo badwîrhe baderhaguza erhi idivayi lirhuma, badwîrhe bajà badungadunga erhi mamvu makali garhuma: abadâhwa n’abà­lêbi bakola baderhaguza erhi mamvu makali garhuma, badwîrhe bazâbalikanya erhi idivayi lirhuma, badwîrhe bajà badungadunga erhi mamvu makali garhuma, badwîrhe bahahabuka omu malêbi gâbo n’okunegemba nka batwa emmanja.

Izaya 65:13

Co cirhumire aderha ntyâla Nyakasane Nyamubâho; Alà oku abarhumisi bâni bâbona eci balya oku mw’oyo mwâhungumuka n’ishali! Alà oku abarhumisi bâni bâbona eci banywa oku mw’oyo mwafà n’enyôrha! Alà oku abarhumisi bâni bahama n’omwîshingo oku mw’oyo enshonyi zammubumba!

Izaya 8:21

Bâgeragera omu cihugo, bagogomîrwe, n’enda yayêkemba; na hano ishali libà lyamâbaluma bwenêne, bakunira, barhondêre okuhehêrera mwâmi wâbo na Nyamuzinda wâbo. Bâgalamira emalunga;

Izaya 9:20

Menashè adwîrhe alya Efrayimu, naye Efrayimu adwîrhe alya Menashè; bombi bamârhêra Yûda. Ci okwôla kurhârhume oburhè bwâge bwatwîka n’okuboko kwâge kurhâyôrhe kulambûle.

Amosi 8:10

Ensiku nkulu zinyu nazihindula mishîbo, enyimbo zinyu zoshi ndûlù; ebibunu binyu byoshi nâbiyambika busunzu, n’amarhwe ginyu goshi ngahirekwo olubala. Nâjira eyo mishîbo ebè nka ya mwâna wa cûsha kuhika ebuzinda lwâbà lusiku lwa burhè.

Nahumu 1:10

Bâjamo eciri nka câhirà, bâhungumuka nka lubala! Omu, boshi bâhungumke.

Luka 12:20

“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”

Luka 13:28

“Lyo mwayish’ihôgera n’okukenyeza amîno, mubona Abrahamu n’Izaki na Yakôbo n’abalêbi boshi omu Bwâmi bwa Nyamuzinda, ninyu mubona oku mwakabulîrwe embuga”.

Luka 6:24

«Ci muli bahanya mwe bagale, bulya mugwêrhe oluhembo!

Luka 6:26

Buhanya bwinyu mukasîmwa n’abantu boshi! Kwo bîshe bajiriraga abalêbi b’obunywesi ntyo.»

Luka 8:53

Bamushekera, bulya bâli bamanyire bwinjà oku anafîre.

Befezi 5:4

Ntà kuganîra eby’enshonyi, nîsi erhi okuderha ebirhagwêrhi nda na mugongo, erhi okushesa abandi n’ebinwa bibî: ebyôla byoshi birhakwânîni; mukaz’ivuga Nnâmahanga omunkwa erhikwo.

1 Batesalonika 5:3

Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka.

Yakôbo 4:9

Mulakire ebyâha binyu, mujire emishîbo, munabande e­ndûlù. Amasheka ginyu gashube mirenge, n’amasîma ginyu gahinduke mishîbo.

Mafulûlo 3:17

Kàli kw’odesire, erhi: «Ndi muhirhi, ndugîrwe, na ntâco ndagîrirekwo! K’orhamanyiri oku we hanyagîre, oku oli wa kubêrwa lukogo, oli mukenyi, oli mpûrha anali mushugunu!

1 Samweli 2:5

Abacikung’iyigurha, bakola bajà balimya lyo babona ecibalya, n’abashalye barhacigwâsirwi okulimya ebiryo. Engumba yabusire kali nda oku nyalumburhamburha alungumarhirwa.