Luka 6:20 - BIBLIYA NTAGATIFU OMU MASHI

²⁰ Okubundi anacilikira abaganda bâge mw’amasù, aderha, erhi: «Iragi linyu mwe bakenyi, bulya obwâmi bwa Nyamuzinda buli bwinyu.

Luka 6:20 ပူးပေါင်းရင်းမြစ်များ

Ennanga 37:16

Ebinyi omushinganyanya afumbasire, byo bikulu oku binji binji by’encuku;

Migani 16:19

Aha omuntu ankashangîra omunyago n’abagayana, ankacîbêra mugunda omu banyînyi.

Migani 19:1

Omuganda orhali mudahemuka ye mukulu, oku mugale w’omusirhe na wa kanwa kabî.

Izaya 29:19

Abagalugalu bakaz’ibona amasîma ngasi mango muli Nyakasane, nabo abakenyi omu bantu bakaz’icîshingira Omutagatîfu w’Israheli.

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Sofoniya 3:12

Bantu bîrhôhye bônene n’abakenyi naleka muli we, abakampûna mpu mbalange.

Zakariya 11:11

Muli olo lusiku eciragâne càvunika. Abarhunzi b’ebibuzi bakâg’indolêreza bayumva oku kanwa ka Nnâmahanga ako.

Mateyo 11:5

Emihûrha edwîrhe yabona, abahozire amagulu badwîrhe bagenda, abashomyo badwîrhe bafuma, n’ebihuli bidwîrhe byayumva, abafîre badwîrhe bafûka n’abakenyi badwîrhe babwîrwa Emyanzi y’Akalembe.

Mateyo 25:34

Obwo Mwâmi anâbwîre abâli ekulyo kwâge erhi: «Yishi, mwe mwagishirwe na Larha, mucigandalize omu Bwâmi mwarheganyizîbwe kurhenga okulemwa kw’igulu.

Mateyo 5:1

Lêro erhi Yezu abona orhutu, ajà oku ntondo, n’erhi abà amabwârhala, abaganda bâge bamujaho.

Luka 12:32

“Murhayôbohaga, mwe busò busungunu, bulya Sho alonzize okummuhà Obwâmi”».

Luka 13:28

“Lyo mwayish’ihôgera n’okukenyeza amîno, mubona Abrahamu n’Izaki na Yakôbo n’abalêbi boshi omu Bwâmi bwa Nyamuzinda, ninyu mubona oku mwakabulîrwe embuga”.

Luka 14:15

Muguma wa muli balya balâlike, erhi ayumva ntyo, amubwîra, erhi: «Iragi lyâge owânalye oku biryo by’omu Bwâmi bwa Nyamuzinda!»

Luka 16:25

“Abrahamu amushuza, erhi”: “Mwâna wâni, okengêre oku wahâbirwe aminjà omu bugumaguma bwâwe n’oku Lazaro abwîne amabî. Lêro buno akola asîmire, nâwe oli omu malibuko”.

Luka 4:18

Omûka gwa Nyakasane kuli nie, bulya anshîzire amavurha, antuma mpu ngend’iyigîriza abakenyi emyanzi y’akalembe, mbale omwanzi gw’o­buyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla,

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

2 Bakorinti 8:2

Omu malibuko manji babwîne, obushagaluke bwâbo bunene n’obukenyi bwâbo bunji byayunjulirîne, byahinduka buhirhi bwa kurhabâla abandi.

2 Bakorinti 8:9

Murhahabiri enshôkano ya Nyakasane Yezu Kristu, oku ye wali mugale acîjiraga mukenyi mwe murhumire, mpu lyo obukenyi bwâge bummujira bahirhi.

1 Batesalonika 1:6

Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho n’enshagali ya Mûka Mutagatîfu, n’obwo mwâli omu malibuko manji,

2 Tesalonika 1:5

Okwôla kuyêrekana oku Nyamuzinda atwa olubanja okushingânîne n’oku mukwânîne Obwâmi bwa Nnâmahanga mudwîrhe mwaluhira.

Yakôbo 1:12

Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.

1 Samweli 2:8

Ye kûla omugalugalu omu katulo, n’omukenyi amukûle omu camvu, amudahaze omu ndêko y’abaluzi n’okumuhà entebe y’irenge; bulya ebikondo by’igulu binali bya Nyakasane, enyanya yabyo yo ayûbasire igulu.