Luka 6:14 - BIBLIYA NTAGATIFU OMU MASHI

¹⁴ Simoni, amuyîrika izîno lya Petro, n’omulumuna Andreya; Yakôbo na Yowane; Filipo na Bartolomeyo;

Luka 6:14 ပူးပေါင်းရင်းမြစ်များ

Mateyo 10:2

Alaga amazîno g’entumwa oku ziri ikumi n’ibiri: Ow’oburhanzi ye Simoni oderhwa Petro n’omulumuna Andreya; Yakôbo mwene Zebedeyo, n’omulumuna Yowane;

Mateyo 10:3

Filipo na Bartolomeyo; Toma na Mateyo omuhôza; Yakôbo mwene Alfeyo na Tadeyo;

Mateyo 4:18

Obwo erhi Yezu adwîrhe ageragera eburhambi bw’enyanja y’e Galileya, abona abalondana babiri, Simoni - oderhwa Petro - n’omulumuna Andreya, badwîrhe barhega orhwêshe rhwâbo omu nyanja: bulya bâli badubi.

Mateyo 4:21

Erhi arhenga aho, mpu arhambike, abona bandi babiri balondana, bo Yakôbo, mwene Zebedeyo, bo n’omulumuna Yowane; erhi bali omu bwârho bwâbo bo n’îshe Zebedeyo, banadwîrhe balungîramwo orhwêshe rhwâbo; abahamagala.

Marko 1:19

Anacilîkûla, abona Yakôbo mwene Zebedeyo bo n’omulumuna Yowane, nabo erhi badwîrhe balunga orhwâbo rhwêshe omu bwârho; anacibahamagala.

Marko 1:29

Oku banahuluka omwôla sinagogi, bajà aha mwa Simoni na Andreya, bo na Yakôbo na Yowane.

Marko 14:33

Anaciyanka Petro bona Yakôbo na Yowane, arhondêra okuyumva oburhè n’amaganya.

Marko 3:16

Anacicîshoga ikumi na babiri: Simoni, anamuyîrika izîno lya Petro;

Marko 5:37

Anacilahira mpu arhakulikirwa na ndi, orhali Petro, Yakôbo na Yowane, mulumuna wa Yakôbo.

Marko 9:2

Erhi kugera nsiku ndarhu, Yezu ayanka Petro, Yakôbo na Yowane, abagendana bône oku ntondo ndîrî. Anacihinduka obusù embere zâbo.

Luka 5:10

Yakôbo na Yowane, bene­ Zebedeyo, bakâg’igenda boshi na Simoni, nabo kwo n’okwo. Yezu anacibwîra Simoni, erhi: «Orhayôbohaga: kurhenga ene bantu wakaz’iduba».

Luka 5:8

Simoni-Petro, erhi abona okwo, acîrhimba aha magulu ga Yezu, erhi: «Ontengeho, Yâgirwa, bulya ndi muntu munya-byâha!»

Luka 6:13

N’erhi buca, ahamagala abaganda bâge, acîshoga ikumi na babiri muli bo, abahà izîno ly’entumwa:

Luka 6:15

Mateyo na Toma; Yakôbo mwene-Alfeyo na Simoni oderhwa Sha-bushiru;

Yowane 1:45

Filipo anacishigâna Natanaeli, amubwîra, erhi: «Olya Mûsa aderhaga omu citabu c’Amarhegeko n’oyu abalêbi balêbaga, rhwamubwîne: ye Yezu, Mwene Yozefu, w’e Nazareti!»

Yowane 14:8

Filipo amubwîra, erhi: «Yâgirwa, orhuyereke Sho, rhurhimûkwe».

Yowane 6:5

Erhi ayînamula amasù, Yezu abona olubaga lunji lumushimbire. Ancibwîra Filipo, erhi: «Ngahi rhwankagulira emigati bâlya?»

Yowane 6:8

Muguma omu baganda bâge, ye Andreya, mulumuna wa Simoni Petro, amubwîra, erhi:

Ebijiro 1:13

Erhi bahika omu lugo, bacijira omu nyumpa y’enyanya; mwo bakâg’ibêra. Abàmuli b’abà: Petro na Yowane, Yakôbo n’Andreya, Filipo na Toma, Bartolomeyo na Mateyo, Yakôbo mwene Alfeyo na Simoni Shabushiru, na Yûda mwene Yakôbo.

Ebijiro 12:2

Ayîrha Yakôbo mukulu wa Yowane n’engôrho.

2 Petro 1:1

Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma.