Luka 4:20 - BIBLIYA NTAGATIFU OMU MASHI

²⁰ Anacibunga ecitabu, acishubiza omurhumisi, abwârhala. Abâli omu sinagogi boshi bamuyêrekeza amasù.

Luka 4:20 ပူးပေါင်းရင်းမြစ်များ

Mateyo 26:55

Yezu anacibwîra zirya ngabo, erhi: «Ewe, kurhi kuno muyishire nka bantu bashimbire ecishungu, muhêrhe engôrho n’amahiri, mul’ingwârha? Ngasi lusiku nakâg’iyigîriza omu ka-Nyamuzinda, murhanangwârhaga».

Mateyo 27:60

agubisha omu nshinda mpyâhya àli acîhumbire omu lwâla; n’erhi abà amahirika ibuye linene omu lusò lw’enshinda, agenda.

Luka 19:48

ci bakubula, bulya olubaga lwoshi lwàli lumurhegîre omu kuyumvîrhiza enyigîrizo zâge.

Luka 4:17

Bamushumbiriza ecitabu c’omulêbi Izaya. Erhi abungûla ecitabu, ayirukira ahayandisirwe ntyâla:

Luka 4:21

Okubundi anacirhondêra ababwîra, erhi: «Ene, olu lwandiko lwamayunjula omu marhwiri ginyu».

Luka 5:3

Anacijamwo bwârho buguma, bwa Simoni; amubwîra mpu acîyêgûle hitya n’obwimango. Anacibwârhala, arhondêra ayigîriza olubaga omu bwârho.

Yowane 8:2

Ci erhi gubà mucêracêra, bashub’imubona omu ka-Nyamuzinda, n’olubaga lwoshi lwamukunjûkakwo. Anacibwârhala, arhondêra abayigîriza.

Ebijiro 16:13

E­erhi kubà lwa Sabato, rhwarhenga omu lugo, rhwajà ebwa lwîshi, emunda bakômeraga okukâshengera. Rhwanacitamala, rhwarhondêra okuyigîriza abà­kazi bâli badêkerîre.

Ebijiro 3:12

Erhi Petro abona okwo, abwîra, olubaga, erhi: «Mwe bene-Israheli, kurhi mwankasômeragwa n’okwo? Cirhumire mwarhukonolerakwo amasù nka kuno buhashe erhi bwinjà bwîrhu rhwenene rhwagendesizemwo oyu muntu?