Luka 4:2 - BIBLIYA NTAGATIFU OMU MASHI

² ajiramwo nsiku makumi anni ashumikwa na shetani. Ezo nsiku arhakozagya kalyo ekanwa, n’erhi ziyunjula, ashalika.

Luka 4:2 ပူးပေါင်းရင်းမြစ်များ

Murhondêro 3:15

Nkola naheba enshombo ekarhî kâwe n’omukazi, ekarhî k’iburha lyâwe n’iburha lyâge: oyu âkusinaga irhwe nâwe omukomolere oku kansisira».

1 Bâm 19:8

Azûka, alya ananywa; ebyo biryo byamuzibuhya, alambagira omu irungu lugendo lwa miregerege makumi anni na madufu makumi anni kuhika oku Horebu ntondo ya Nyamuzinda.

Esteri 4:16

«Ogend’ibwîra Abayahudi banali omu Suza boshi bacîshalise erhi nie ntuma. Murhalyaga murhananywaga miregerege isharhu na madufu asharhu. Oku lwâni lunda, nie haguma na bambalikazi bâni, nacîshalisa kuguma na ninyu. Na hanôla mbà namacîrheganya ntyôla, nanaj’emunda mwâmi ali, gwârhi irhegeko, akabà kufà nafà nanafâga».

Lubungo 24:18

Mûsa ayongobera mulya citù, asôkera oku ntondo miregerege makumi anni na madufu makumi anni.

Lubungo 34:28

Mûsa abêra okwo ntondo bo na Nyakasane, miregerege makumi anni na madufu makumi anni. Arhalyaga mugati, arhananywaga mîshi. Ayandika ebinwa by’endagâno kuli zirya nnambi ibirhi z’amabuye, birya binwa ikumi.

Yônà 3:7

Okuhandi balâlika muli Ninive yêshi, oku irhegeko lya mwâmi haguma n’abarhambo, mpu: «Abantu boshi, n’ebintu ntâye okozagye amîshi erhi biryo ekanwa.

Mateyo 21:18

Lêro erhi kubà sêzi, akola ashub’igaluka omu cishagala, anacishalika.

Mateyo 4:2

Erhi abà amâjira miregerege makumi anni na madufu makumi anni arhalya, anacishalika.

Luka 4:3

Shetani anacimubwîra, erhi: «Akabà oli Mwene-Nyamuzinda, bwîra eri ibuye lihinduke mugati».

Yowane 4:6

Ho iriba lya Yakôbo libà aho. Yezu ali amârhama n’enjira; anacitamala oku cikunguzo c’iriba. Zàli nka nsâ ndarhu.

Lushika 9:18

Oku bundi nacîha oku idaho, embere za Nyamubâho, nk’oku nanajiraga burhanzi, nashinga miregerege makumi anni na madufu makumi anni ntakoza omugati erhi mîshi ekanwa, najira ntyo erhi amaligo mwakolaga garhuma, aga mwagayisagyamwo Nyamubâho n’okumujira burhè.

Lushika 9:25

Nacîrhimba oku idaho obwo embere za Nyamubâho, nanayôrha mparamize ezo nsiku makumi anni n’ago madufu makumi anni, bulya Nyamubâho àli àdesire mpu amuherêrekeza.

Lushika 9:9

Nali nsôkîre oku ntondo nti ngendihâbwa enambi z’amabuye, zo nambi z’endagâno Nyamubâho àfundikaga ninyu. Nayôrha oku ntondo miregerege makumi anni na madufu makumi anni, buzira kukoza omugati erhi amîshi ekanwa.

Bahabraniya 2:18

Na kulya kubà yêne abwîne amababale n’amalibuko, anahash’irhabâla abâli omu malibuko.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.

1 Samweli 17:16

Oyôla mufilistini akazâgiyîsh’isholoshonza Israheli ntyo sêzi na bijingo kuhika nsiku makumi anni.