Luka 24:51 - BIBLIYA NTAGATIFU OMU MASHI

⁵¹ Oku adwîrhe abagisha, anacicîyêgûla kuli bo, amânamânwa omu malunga.

Luka 24:51 ပူးပေါင်းရင်းမြစ်များ

2 Bâm 2:11

Banacijà balambagira banashambâla, caligumiza babona engâlè y’omuliro n’enfarasi z’omuliro: zababerûla ngasi muguma olwâge lunda, Eliya anacihêkwa emalunga omu karhî k’empûsi ya kalemêra.

Marko 16:19

Erhi Mwâmi Yezu ayûs’ibabwîra ntyo, anacihêkwa emalunga, abwârhala ekulyo kwa Nyamuzinda.

Luka 24:50

Anacibahulukana, abahêka olunda lw’e Betaniya; alambûla amaboko, abagisha.

Luka 24:52

Nabo erhi babà bamâharâmya, bashubira e Yeruzalemu bashagalusire bwenêne.

Yowane 20:17

Yezu amubwîra, erhi: «Orhampumagakwo, bulya ntaj’irheremera emwa Larha. Ci ojage emunda bene wîrhu bali, obabwîre oku nteremîre emwa Larha na Sho, emwa Nyamuzinda wâni na Nyamuzinda winyu».

Ebijiro 1:9

Erhi ayûs’iderha ebyo binwa, banacimubona amanamana emalunga; ecitù camubwîka, barhacimubonaga.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 4:14

Kuziga obu rhugwêrhe omudâhwa mukulu bwenêne, Yezu, Mugala wa Nyamuzinda wayikîre amalunga, rhugwârhage buzibu obuyêmêre bwîrhu.