Luka 21:25 - BIBLIYA NTAGATIFU OMU MASHI

²⁵ «Hayish’ibà ebimanyîso omu izûba n’omu mwêzi n’omu nyenyêzi; n’omu igulu amashanja gayish’ibà burhè ganayish’irhanya bayumva enyanja ekungula.

Luka 21:25 ပူးပေါင်းရင်းမြစ်များ

Ennanga 46:3

Co cirhuma rhurhanajuguma ciru igulu lyankajamwo ehivango, entondo zicirhimba omu karhî k’enyanja.

Izaya 13:10

Nêci, enyenyêzi z’oku nkuba n’ebirundo byâzo zahusa okulangashana; izûba lyashuba mwizimya aha kuzûka kwâlyo, n’omwêzi gwaleka okukamoleka.

Izaya 17:12

Yajewe! Kavango ka mbaga mwandu! Kavango kali nka mulaba gwahûsa omu nyanja! Kavango ka mashanja, kali nka mukungulo gw’omwandu gw’amîshi.

Izaya 24:23

Omwêzi gwanâtulûle n’izûba enshonyi zilibumbe, bulya Nyakasane Nyamuzinda w’Emirhwe ye wanâyîme oku ntondo ya Siyoni n’aha Yeruzalemu; irenge lyâge lyanalangashanire embere z’abagula bâge.

Izaya 5:30

Olwo lusiku lyâlumbira olubaga nka kulya enyanja enalumba. Banasinze ecihugo, babone ekola ndunduli na mirhanyo, n’obulangashane erhi bwahwerîre omu bitù.

Izaya 51:15

Nie ono nie Nyakasane, Nyamuzinda wâwe, ovanganya enyanja n’empimbi z’amîshi gâyo. Izîno lyâni, nie Nyakasane, Nyamuzinda w’Emirhwe,

Yeremiya 4:23

Nalolerize igulu: nabugâna mpinga! nti nalola amalunga, nashanga omûshi gwahirigisire.

Daniyeli 12:1

Muli agôla mango ânayimange Mikaheli ye murhambo mukulu, ye wâyish’ilikûza abâna b’olubaga lwâwe, n’agôla mango gâbà mango ga malumwa galya garhasag’ibonekana bundi kurhenga ishanja linasingwa kuhika muli agâla mango. Na muli agôla mango olubaga lwâwe lwâyôkoka, ngasi yêshi wankabà ayandisirwe omu citabu.

Mikeyo 7:4

Omwinja mulibo, anali nka lukererhè n’omushinganyanya nka lugurhu lwa mishûgi. Loli, olusiku lw’obuhane abalanzi bâwe baderhaga luyîruka, mukolaga mwasômerwa.

Mateyo 24:29

Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera­ mwo omusisi.

Mateyo 27:45

Kurhenga izûba liyimanga, omwizîzi gwabwîka ecihugo coshi kuhika amafuluko.

Marko 13:24

«Ci muli ezo nsiku, enyuma y’ago malibuko, izûba lyâbà mwizizi n’omwêzi gurhâcibashe,

Marko 13:26

Go mango babone Mwene-omuntu ayishire omu bitù n’obuhashe n’irenge linji.

Marko 15:33

Erhi izûba liyimanga, omwizizi gwabwîka ecihugo coshi kuhika amafuluko.

Luka 21:24

Bayish’igera oku bwôji gw’engôrho, bayish’ihêkwa bujà omu mashanja gwoshi, na Yeruzalemu ayish’ilabarhwa n’abapagani, kuhika amango g’abapagani gahike.

Luka 21:26

Abantu bafè n’obwôba omu kulinda ebyayish’ibà omu igulu; bulya eby’oku nkuba byâgeremwo omusisi.

Ebijiro 2:19

Nânajira ebirhangâzo era nyanya omu malunga n’ebisômerîne en’igulu: omukò, omuliro, n’amîshi gatumbûka.

Mafulûlo 20:11

Okubundi nanacibona entebe nnene nyêru-nyêru, n’owali oyitamîrekwo. Amalunga bo n’igulu, erhi bamurhimbakwo amasù, bayâka, na ntâye wacimanyire aha bagerîre.