Luka 21:23 - BIBLIYA NTAGATIFU OMU MASHI

²³ “Abakazi bâbè bali nda erhi abâbe badwîrhe bayonsa ezo nsiku, bâsômerwa!”» Bulya hâbè malibuko manji omu cihugo n’obukunizi kuli eri ishanja.

Luka 21:23 ပူးပေါင်းရင်းမြစ်များ

Ndûlù 4:10

Abazîre, oku barhahimwa lukogo, lêro bôhe, bakaziyenda abâna bâbo banabalya, mw’obwo buhanya bunene bwarhogîre oku lubaga lwâni.

Daniyeli 8:19

Anacimbwîra erhi: «Alà oku nkola nakubwîra ebyayishiyisha enyuma z’obukunizi, bulya obuzinda bugwêrhe amango gâbo.»

Mateyo 21:16

Banacimubwîra, mpu: «K’oyumvîrhe ebi abà badwîrhe baderha?» Yezu naye anacibashuza, erhi: «Nêci! Ci nkaba ntà mango muzig’isoma ezi nderho: Omu kanwa k’abâna barhò n’orhubonjo, mwo wakûzire obukuze?»

Mateyo 21:41

Banacimushuza, mpu: «Kuheza anaheze abo babî la, n’olukoma aluhiremwo abandi bahinzi bamurhengezamwo emizâbîbu ama­ngo gâyo».

Mateyo 21:44

Owâkulumbe kuli eryo ibuye, kuvunika anavunike n’oyu lyâkulumbekwo, kushanguka anashanguke.]

Mateyo 24:19

Abakazi bali izîmi n’abayonsa ago mango, basômerwa!

Marko 13:17

“Abakazi bali izîmi n’abayonsa ago mango, basômerwa!”

Luka 19:27

Nabo abashombanyi bâni bàlahiraga mpu ntabè nnawâbo, mubandêrhere, munabanigire omu malanga gâni».

Luka 19:43

Bulya ensiku zâcikuyishira, abashombanyi bâwe bâkugorhe banakuzonge enyunda zoshi,

Luka 23:29

“Bulya ensiku zâciyisha, go mango bâderhe, mpu”: “Iragi ly’engumba n’enda zirhaburha n’a­mabêre garhonsagya!”

1 Bakorinti 7:26

Ncîkebirwe, nti, oku kuli buno kurhumire, obwo bwôrhere bwo bukwânîne; nêci, o­kwo kwo kuli kwinjà oku ngasi muntu.

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.

Bahabraniya 13:16

Okujira aminjà nakwo n’okushangîra ebintu n’abandi, murhakuyibagiraga; entûlo za bene ezo zo Nyamuzinda asîma.

Yakôbo 5:1

Oku bwinyu ninyu mwe bagale! Mulake, munabande endûlù kuli kabutindi wâmmuyishira!

1 Petro 4:17

Bulya amango gahisire, n’olubanja lwârhangirira oku nyumpa ya Nyamuzinda. N’akabà rhwe lwârhangirirekwo, balya barhayêmêra Emyanzi y’Akale­mbè kurhi obuzinda bwâbo bwâbe wâni!