Luka 2:49 - BIBLIYA NTAGATIFU OMU MASHI

⁴⁹ Naye abashuza, erhi: «Ci mwanongezagya? Ka murhàl’imumanyire oku kukwânîne nshimbe ebya Larha?»

Luka 2:49 ပူးပေါင်းရင်းမြစ်များ

Ennanga 40:8

Go mango nadesire, nti niono nyishire. Nie bayandikire omu citabu cibunge.

Malakiya 3:1

Ntya kwo Nyakasane w’Emirhwe ammushuzize: «Loli, oku nârhuma e­ ntumwa yâni, yo yajinteganyiza enjira yâni embere zâwe. N’oku caligumiza, olya Nyakasane mulonza ahika omu ka-Nyamuzinda kâge, olya Mwâmi w’Amalaganyo mucîfinja. Loli, y’oyo oyiruka».

Mateyo 21:12

Obwo Yezu anacijà omu ka-Nyamuzinda, anacikahulusa abakâg’ikaguliza n’abàli badwîrhe bagulira omu nyumpa ya Nnâmahanga: anacikulumbya oburhalulè bw’abakâg’ikâba amagerha, anahirimya entebe z’abarhunzi b’e­ngûkù.

Luka 2:48

Erhi bamubona, barhangâla. Nnina anacimubwîra, erhi: «Mwâna wâni, carhumire warhujira ntya? Lolà oku sho nâni rhwarhindibusire rhwajà rhwakulonza».

Yowane 4:34

Yezu ababwîra, erhi: «Ebiryo byâni kuli kujira obulonza bw’owa­ntumaga n’okuyûkiriza omukolo gwâge.

Yowane 5:17

Ci Yezu yêhe abashuza, erhi: «Oku Larha adwîrhe akola erhi nâni kwo n’okwo».

Yowane 5:36

“Niehe ngwêrhe obuhamîrizi bulushire obwa Yowane: emikolo Larha a­mpâga mpu njire; eyo mikolo njira yo ehamîriza oku Larha ye wa­ntumaga”.

Yowane 6:38

bulya nahonyire empingu, arhali mpu nkajira oku nalonza, ci oku owa­ntumaga alonza.

Yowane 8:29

n’owantumaga rhwe naye rhubà; arhandekaga niene, bulya ensiku zoshi njira ebimusîmîsa».

Yowane 9:4

Obûla bwacibona, kukwânîne njire emikolo y’owantumaga: obudufu buyiruka, n’obudufu burhakola.