Luka 19:42 - BIBLIYA NTAGATIFU OMU MASHI

⁴² «Ocimanyage nâwe olusiku lw’ene ebyakulerhera omurhûla! Ci buno bifulisirwe omu masù gâwe.

Luka 19:42 ပူးပေါင်းရင်းမြစ်များ

Ennanga 32:6

Okwôla kwarhuma ngasi mushibirizi ayishikaz’ikushenga amango alagîrîre. Amango amîshi manji-manji gashabira, garhâhike ah’ali.

Ennanga 81:13

Okwo, kwarhuma nabahanira obudârhi bw’omurhima gwâbo, nti bashenye ezi bâgala.

Izaya 44:18

Barhishi barhanagerêreza, bulya olubwîbwî lubali ebusù lurhankaziga babona, oluhali omu murhima lurhankaziga barhimanya!

Izaya 48:18

Ociyumvagya amarhegeko gâni, singa omurhûla gwâwe kwo guhulula nka lwîshi, n’obushinganyanya bwâwe nka mivumba y’omu nyanja.

Izaya 55:6

Mulongereze Nyakasane oku aciri aboneka, mumushenge oku aciri hôfi.

Yeremiya 13:17

N’akabà murhayumvîrhi oku namurhonda, nalakira emurhima erhi bucîbone bwinyu burhuma, amasù gâni gâlaka omulenge gw’okubona obusò bwa Nyakasane bwagenda mpira.

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Luka 19:41

Erhi akola ahika omu cishagala, arhondêra okucilakira, erhi:

Luka 19:43

Bulya ensiku zâcikuyishira, abashombanyi bâwe bâkugorhe banakuzonge enyunda zoshi,

Luka 19:44

bâkushekenye oku idaho we n’abâna bâwe bakulimwo. Ciru barhakakulekerakwo ibuye oku lindi, kulya kubà orhamanyaga amango wal’irhandûlwa».

Ebijiro 10:36

Arhumîre bene Israheli akanwa kâge mpu bayumve omwanzi gw’Akalembe gwadwîrhwe na Yezu Kristu: ye mwâmi w’abantu boshi.

Ebijiro 13:46

Paolo na Barnaba banacibashuza n’oburhwâli, erhi: «Mwe mwâli mukwânîne okurhangibwîrwa akanwa ka Nyamuzinda; “ci kulya kubà mukalahîre mwanatwa mwene mpu murhakwânîni obuzîne bw’ensiku n’amango, rhucîkolera emwa abapagani”.

Lushika 32:29

Nka bali bantu barhimanya bakanayumvîrhe, bakanabwîne bwinjà kurhi bazinda bali.

Lushika 5:29

Omurhima gwâbo gurhankarhangiyôrha guli ntyôla: gukazinkenga gunashimbe amarhegeko gâni lyo babona amasîma garhahwa, bône haguma n’abâna bâbo.

Bahabraniya 3:13

Ci mukâhanûlana bwaca bwayira obu olu lw’ene lucihali, lyo murhagirhengamwo ow’omurhima muzibu, amârhebwa n’ecâha.

Bahabraniya 3:15

Kwo rhwanabwizirwe, mpu: Ene-ene, mukâyumva izù lyâge, murhahûsagya emirhima yinyu, nka ku­lya byàbâga omu bugomi.

Bahabraniya 3:7

Kwo kurhumire, nka kulya Mûka Mutagatîfu àderhaga, erhi: Êne-êne, mukâyumva izù lyâge,