Luka 16:23 - BIBLIYA NTAGATIFU OMU MASHI

²³ Erhi abà akola ali omu kuzimu, ayumva amalibuko; agalamira enyanya, alangira Abrahamu na Lazaro omu cifuba câge.

Luka 16:23 ပူးပေါင်းရင်းမြစ်များ

Ennanga 16:10

Bulya orhankalikirira omûka gwâni omu kuzimu, orhankanaziga omwîra wâwe abolera omu nshinda.

Ennanga 49:15

Kwo bahêkwa ekuzimu ak’ezaj’ibâgwa, lufù lubayâbula na bashinganyanya babarhegeka.

Ennanga 86:13

Bulyâla olukogo lwâwe lwayishir’ibà lunji kuli nie, washâywîre omûka gwâni omu muhengere gw’ekuzimu.

Ennanga 9:17

Nyamuzinda acîmanyîsize, atwa olubanja; agwâsa omunya-byâha omu mirimo y’enfune zâge.

Migani 15:24

Enjira y’akalamo enahise omwirhonzi enyanya, emuyâse enjira yâjà ekuzimu.

Migani 5:5

Amagulu gâge yo garhandalikira ebwa lufù, n’igenda lyâge yo lihêka ekuzimu.

Migani 7:27

Enyumpa yâge njira y’ekuzimu, mwandagalo gujà omu lugò lw’abafîre.

Migani 9:18

Na kuziga nyamulume arhishi oku aho hali empehema, n’oku abalâlike ba nyamusirhye w’omukazi, omu rhubanda rhw’ekuzimu bali.

Izaya 14:15

“Ci omu kuzimu mwo wabungulukîre, kuhika aha nteberhebe y’omwîna”.

Izaya 14:9

“Idako, wakuzimu adwîrhe acîshinga erhi we orhuma, mpu akuyankirire. Akol’azûsa ebizunguzungu we orhumire, ngasi bâli bakulire abâbo en’igulu; âyimusa oku ntebe zâbo abâmi b’amashanja boshi”.

Mateyo 11:23

Nâwe Kafarnaumu, ka omanyire mpu waliha kuhika oku nkuba? Wayish’ibungululwa kuhika omu kuzimu. Bulya ebisômerîne byajirîrwe omu bizimbêro byâwe, bicijiriragwa muli Sodomo, rhinga ho acibà kuhika ene.

Mateyo 18:9

“N’akabà isù lyâwe linakaz’ikushumika, olirhomole, okabulire kuli: kuli kukulu ojè omu Buzîne n’isù liguma ahâli h’okujà omu nyenga y’omuliro na masù abiri.”

Mateyo 23:33

Ezi njoka, bûko bwa cibugusha, kurhi mwâfume obuhane bw’enyenga y’omuliro?

Mateyo 5:22

Ci niehe mmubwîzire oku ngasi yêshi wabîkire owâbo oburhè, ayish’ihanwa omu lubanja. Naye owabwîre owâbo mpu kadunduguli, akwânîne okuhanirwa e kagombe. N’owabwîre owâbo mpu musirhe, âyish’ihanwa omu nyenga y’omuliro.

Mateyo 5:29

Akabà isù lyâwe liryo linakaz’ikushumika, olirhomole, onalikabulire kuli; bulya kuli kwinjà kulusha okuheza cirumbu ciguma omu birumbu byâwe, ah’okuheza omubiri gwoshi omu nyenga y’omuliro.

Mateyo 8:29

Banacirhondêra bayâma banaderha, erhi: «Bici rhufânwa nâwe, Mwene-Nyamuzinda? Ka wagezire amango mpu oyîsh’irhulibuza?»

Luka 16:24

Anaciyâkûza, erhi: «Mâshi larha Abrahamu, ombabalire, orhume Lazaro avumvuze omunwe gwâge omu mîshi, nyokolesemwo olulimi, bulya nahîre ntugurhira muno muliro.

Luka 16:28

“bulya njira bene wîrhu barhanu”; “abayigîrize”, “balek’iyish’ijà muno hantu h’amalibuko”».

Luka 8:28

Erhi abona Yezu, ayâma, acîrhimba aha magulu gâge, aderha n’izù linene, erhi: «Bici rhufânwa nâwe, Yezu Mwene-Nyamuzinda w’Enyanya? Orhandibuzagya, mâshi we okonkwa!»

1 Bakorinti 15:55

Lufù we, okuhima kwâwe ngahi kuli? Lufù we, akababo kâwe ngahi kaligi?

2 Petro 2:4

Bulya, akabà, Nyamuzinda arhababaliraga bamalahika bàgomaga, ci abaloha omu kuzimu, anabakwêba omu nyenga ziyunjwîre mwizimya, mpu balingiremwo olubanja,

Mafulûlo 20:10

Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.