Luka 15:18 - BIBLIYA NTAGATIFU OMU MASHI

¹⁸ “Ema! Nkola nalikûla, njè emunda larha ali, mubwîre, nti”: “Larha, nabihîre Nnâmahanga nâwe”.

Luka 15:18 ပူးပေါင်းရင်းမြစ်များ

2 Nganîro 33:19

Omusengero gwâge na kurhi ayumvûbagwa, ebyâha n’obugoma bwâge boshi, ahantu ajaga ayûbaka empêrero enyanya omu rhurhondo, aha ajaga ahira enshanga n’ensanamu embere arhôhekere, alà oku okwôla kuli kuyandike omu binwa bya Hozayi.

Ennanga 25:11

Yâgirwa Nyakasane, izîno lyâwe lyoki lyarhuma wakûla ecâha câni, caluzire kuligo.

Migani 23:13

Orhahîraga okababalira omwâna mpu orhâmuhana, bulyâla erhi wankamushûrha, akarhi karhâmuyîrhe.

Izaya 63:16

Nêci, we larha! Bulyâla Abrahamu arharhuyishi, naye Israheli arhankacirhumanya. W’oyo, Nyakasane, we larha, we Muciza wîrhu kurhenga ensiku n’amango, lyo izîno lyâwe.

Yeremiya 3:19

Niehe kwo nakazagiderha omu murhima: nti owabonaga nkuhisa omu bâna bâni, nkamuhà ecihugo c’amasîma kashambala kakungwa omu mashanja. Namanya nti wakazimbwîra mpu «larha» nti orhakacintengaho.

Yeremiya 31:20

“Efrayimu ye mugala wâni muzigirwa, mwâna nsîma bwenêne. Ngasi mango erhi nderha nti nakaliha, nankayumva arhantenga omu bukengêre, bulya mmuzigira bwenêne. Ntâko nakabula kumufa bwonjo”.

Ndûlù 3:29

Ayunamirize kuhika amime akatulo, omu kulangâlira oku Nyakasane ayishimurhabâla.

Ndûlù 3:40

Rhulole bwinjinjà olugendo lwîrhu, rhushubire emwa Nyakasane.

Daniyeli 4:26

Erhi kugera myêzi ikumi n’ibirhi, mpu ajà acîgezageza omu bwâmi bw’e Babiloni,

Yônà 2:4

Walinkwêbire omu ntuli, omu muhengere gw’enyanja, emivumba y’enyanya yàlingosire. Emilala yâwe yoshi n’endimi zâwe byanyandagalira­kwo.

Yônà 3:9

Ndi omanyire erhi Nnâmahanga arhankashukira ashube okuboko, aleke obukunizi bwâge arhuyôkole?»

Mateyo 3:6

Bakacîyunjuza ebyâha, naye akababatiza omu mîshi ga Yordani.

Mateyo 6:14

Kuziga mukababalira abantu amabî bammujirire, Sho w’empingu naye anammubabalira.

Mateyo 6:9

Alagi oku mwakashenga: Larha, oli omu mpingu, Izîno lyâwe likuzibwe,

Mateyo 7:11

Mwe babî, mukamanya ebinja mwakahà abâna binyu, minjà manganaci Sho oli omu mpingu ankahà abamuhûna!

Luka 11:2

Anacibabwîra, erhi: «Nka mwashenga, “mukaderha ntya”: “Larha, Izîno lyâwe likuzibwe”; “Obwâmi bwâwe buyishe”;

Luka 15:17

“Acîjamwo, erhi”: “Bashi banga babà aha mwîrhu badwîrhe bayigurha, nâni oku nafira eno munda n’ishali!”

Luka 15:19

“Ntacishingânîni okuderhwa mugala wâwe: onjire nka muguma omu bambali bâwe”.

Luka 15:21

“Omugala amubwîra, erhi”: “Larha, nabihîre Nyamuzinda nâwe, ntacishingânîni nderhwe mugala wâwe”».

Luka 18:13

“Olya muvurhîsa yêhe aj’icîbêrera erhali hôfi, arhanaderhaga ciru mpu agalamire enyanya, ci akacîkomamba ecifuba, erhi”: “Yâgirwa Nnâmahanga, onfè bwonjo nie munya-byâha!”