Luka 15:13 - BIBLIYA NTAGATIFU OMU MASHI

¹³ “Erhi hagera nsiku nyi, olya mwâna ashana ebikunga, alîkûla, ajà omu cihugo c’ihanga, erhi ahikayo, ashandâza ebirugu byâge omu bulalahi”.

Luka 15:13 ပူးပေါင်းရင်းမြစ်များ

Ennanga 73:27

Bulyâla abakutwîka kuhera baj’ihera, abakuleka baj’ishiga bandi balume kuzigulula onabazigulula.

Migani 18:9

Ngasi oyôlohera omukolo, ye muguma bône kashâba.

Migani 21:17

Ow’amîru arhagala, ntâkwo agale omuntu osîma amamvu n’amashushi.

Migani 21:20

Abà mw’omurhimanya habâ ebinja, habâ n’amavurha, omuhwinja yêhe abishandâze.

Migani 27:8

Omuntu ogenda-genda ahike kulî n’ecihugo aburhagwamwo, kwo ali nka akanyunyi kayâbukira kuli n’olwôgo lwâko.

Migani 28:7

Oshimba irhegeko ye mwâna mwenge, okômera enkonola-masù anabonêsa bene îshe nshonyi.

Migani 29:3

Omuntu orhonya oburhimanya ye simîsa îshe, orhonya abakazi b’ebishungu, kusherêza anasherêza e birugu byâge.

Migani 6:26

Bulyâla omukazi w’ecishungu hihimbi hya mugati alonza, mukà bene yêhe kunyaga anyaga omuntu akalamo, n’obwo kali ka citwîro cidârhi.

Izaya 1:4

“Yajewe! ishanja linya-byâha, olubaga luyunjwîre mabî, iburha lya banyankola-maligo, abâna b’emihera! Bajahisire Nyakasane, bagayaguza Omwimâna w’Israheli; bamuhindamulira omugongo”.

Izaya 22:13

Ci gwabà mwishingo n’obushagaluke: okubâga enkafu, okuniga ebibuzi. okulya enyama n’okunywa amamvu, mpu: «Rhulye rhunanywe, bulya irhondo rhwacîfîra!»

Izaya 30:11

Murhenge omu njira, muyegûke omu mulimbwa, munarhenzeho Omutagatîfu w’Israheli!»

Izaya 56:12

«Yishi, nkola nalêrha amamvu, rhunywe rhunalaluke; n’irhondo kwo na kuguma: gacisigîre manji!»

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Yeremiya 2:31

Eri iburha wâni! Rhangi muyumve akanwa ka Nyamuzinda! Ka kuli Israheli nâbà mpinga erhi ishwa lya mwizimya. Cirhumirage olubaga lwâni luderha: erhi «rhudwîrhe rhwahulahula ci rhurhaje emunda oli»?

Yeremiya 2:5

“Ntya kwo Nyakasane adesire: Bulenzi buci basho bambwînemwo obûla bacîhambwîre kuli nie? Mpu bakulikira obusha nabo bahinduka busha”

Mikeyo 6:3

Yâga lubaga lwâni, kurhi nakujizire? Bici nakurhamizekwo! Onshuze nâni.

Luka 15:12

“Omurhò anacibwîra îshe, erhi”: “Larha, mpânâni ebyâni birugu by’obwîme”. “Îshe anacibagabira ebirugu byâge”,

Luka 15:14

“Erhi ab’amâhwerwa na byoshi, ecizombo cikali cazûka mulya cihugo, abona oku amâkena”.

Luka 15:30

«Lêro ene mugala wâwe waherezagya ebyâge byoshi omu bakazi b’ebishungu ayisha, yêhe wamâmubâgira ecimasha cishushagîre!»

Luka 16:1

Ashub’ibwîra abaganda bâge; erhi: «Hàli mulume muguma mugale, erhi ajira omurhindisi w’ebirugu byâge. Banacimushobeka emwa nnawâbo mpu adwîrhe ashandâza ebirugu byâge.

Luka 16:19

Hàli muntu muguma mugale, erhi ayambala emyenda midukula n’ey’ecitwîro cihamu, na ngasi lusiku erhi kulya ebiryo by’olusiku lukulu.

Befezi 2:13

Lêro buno, muli Kristu, mwe mwâli kulî mîra, omukò gwa Kristu gwammushegezize hôfi.

Befezi 2:17

Anaciyish’ihubuliza omurhûla kuli mwe, mwe mwâli kulî, n’obuholo kuli balya bâli hôfi.

2 Petro 2:13

na ntyo bâhâbwe obuhane, bubè luhembo lw’obubî bwâbo. Balongeza iragi omu masîma ga kasanzi kasungunu. Abo bantu bayunjwîre izinga n’obulema, banakammurheba n’iralà lyâbo omu kulya amadinie haguma ninyu.