Luka 13:34 - BIBLIYA NTAGATIFU OMU MASHI

³⁴ «Yeruzalemu, Yeruzalemu! Obu oniga abalêbi n’okubanda entumwa bakurhumirwe amabuye, kanga nalonzize okukumakuma abâna bâwe nka ku­lya engoko eyûbarhira abanangoko bâyo omu byûbi… orhanalonzagya!

Luka 13:34 ပူးပေါင်းရင်းမြစ်များ

Nehemiya 9:26

Ci kandi babà bagoma banacihindula kuli we, oburhegesi bwâwe, babuhira enyuma ly’omugongo gwâbo, bayîrha abalêbi bâwe bakazâg’imanyîsabo obuhamîrizi bwâwe mpu lyo babahêka emunda oli, banajira agandi mabî manji

Nehemiya 9:30

Wabalembire myâka erhali minyi, wabarhonda n’omûka gwâwe, n’abalêbi bâwe barhanayumvagya. Lêro wanacibahâna oku mashanja ganali omu cihugo.

Ennanga 149:2

Israheli ashagalukire Nnâmahanga Mulemi wâge, abâna b’e Siyoni bacîtakîrire omwâmi wâbo.

Ennanga 17:8

Onnange nka mbonyi y’isù, onfulike omu kwaha kwâwe.

Ennanga 36:7

Obushinganyanya bwâwe kwo buli ak’entondo za Lungwè, okumany’itwa emmanja kwâwe kwo kuli nka muhengere gwa nyanja. We ciza abantu we ciza n’ebintu Nyamwagirwa.

Ennanga 57:1

Gwârhi omukulu w’abimbiza. N’izù lisungunu. Ya Daudi. Kwo eyimbwa aka «Shukira orhashâbe». Ayizihaga amango àyâkiraga Saulu omu lwâla.

Ennanga 81:13

Okwo, kwarhuma nabahanira obudârhi bw’omurhima gwâbo, nti bashenye ezi bâgala.

Ennanga 91:4

Akucinga n’amashala gâge, n’omu byûbi byâge mwo wâyâkira. Oburhabêsha bwâge yo mpenzi yâkucinga.

Izaya 30:15

Bulya ntyâla kwo adesire Nyakasane Nyamuzinda, Omutagatîfu w’Israheli: «Omu kugaluka emunda ndi n’omu kuyôrha murhulwîre mwo mwarhenga obucire bwinyu; omu kudêkerera n’omu kundangâlira mwo mwarhenza oburhwâli bwinyu», ci murhalonzagya!

Izaya 50:2

Amango nayîshaga, carhumaga ntabugana ndi? Erhi mpamagala, carhumaga barhanyâkûza? K’okuboko kwâni kuligi kofi bwenêne, na ntyo kwayabirwa okummulîkûza, nîsi ka misî mbuzire y’okummuciza? Kali nkakaliha hitya, nnanganye enyanja, n’enyîshi nzihindule irungu. Lêro obwo amîshi ganacibulikana, enfî zimubà zânarhangira okubola, zifè n’enyôrha.

Yeremiya 2:30

Nashûsire bagala binyu, barhanayankiriraga ihano: engôrho yinyu yamulya abalêbi, nka ntale yahaha.

Yeremiya 26:23

Bàrhalamula Uriyahu e Mîsiri, bayisha bamudwîrhîre mwâmi Yehoyakimu, amushosha engôrho n’omurhumba gwâge agukwêba omu nshinda z’abantu kwône.

Yeremiya 35:14

Akanwa ka Yônadabu, mwene Rekabu, kashimbirwe: ahanza abagala okunywa erivayi na kuhika buno barhalinywa, kuderha mpu bashimbe irhegeko lya shakulu wâbo. Nâni nie namushambâzize buzira kurhama na buzira kuhalîza, murhayumvagya.

Yeremiya 35:17

Co cirhumire Nyakasane Nyamuzinda w’Emirhwe, Nyamuzinda w’Israheli aderha ntya: sinza oku nkola­ga nâhondakwo Yûda n’abantu b’e Yeruzalemu boshi bulya buhanya nabahigîrizagya: kunali kulya kubà nababwîzire barhananyumvagya, nabahamagala barhanadumizagya.

Yeremiya 6:16

Kwo Nyakasane adesire ntya: Mujè omu njira za mîra, mudôse bwinjà enjira za mîra, ngahi yali enjira y’obwinjà? Muyiyankage, mwabona oku mwaluhûka. Ci bôhe bàdesire mpu «rhurhâyishimbe».

Ndûlù 1:16

Obwo buhanya bwo burhunire ndwîrhe nalaka emirenge yâni yoshi. Owakantûliriza ashubingalulira emisî y’okulama, ali kulî. Abâna bâni balesirwe maboko mûmu, bulya omushombanyi abahimire.

Ndûlù 4:13

Obwo buhanya budwîrhwe n’ebyâha by’abalêbi bâge, haguma n’amabî g’abadâhwa bâge, bo babulagaga omukò gw’abantu bimâna.

Hozeya 11:2

Ci kwône oku nabahamagala bôhe bacinyegâlakwo; barherekîre ba Baali, banayôkera abazimu enterekêro.

Hozeya 11:7

Olubaga lwâni lwalwala obugoma; badwîrhe bashenga Baali, ci kwône arhabazùse.

Yoweli 2:23

Ninyu, mwe bantu b’e Siyoni, shamambiri n’omwîshingo, musîme muli Nyakasane, bulya obushinganyanya bwâge burhumire, ammuhîre e­nkuba, aniesize enkuba mpangûka omu mango gâyo, nk’oku byànalî burhanzi.

Zakariya 1:4

“Murhabâga aka bashakulûza binyu. Bo abalêbi ba mîra bàbwîraga, erhi: Nyakasane Ogala byoshi adesire ntya: Muleke olugendo lwinyu lubî n’ebijiro binyu bigalugalu, cikwône barhalonzagya okunyumva n’okushimba oluderho lwâni, Nyakasane okudesire”.

Mateyo 22:3

Anacirhuma abambali mpu bahamagale abalalike oku buhya, ci bôhe bacîlahirira okuyisha.

Mateyo 22:6

Abasigalaga nabo bagwârha balya baganda, n’erhi babà bamabakolera amabî, babayîrha.

Luka 15:28

Anacikunira bwenêne, arhanacilonzagya ciru okujà omu nyumpa. Okubundi îshe ahuluka mpu amuyinginge.

Luka 19:44

bâkushekenye oku idaho we n’abâna bâwe bakulimwo. Ciru barhakakulekerakwo ibuye oku lindi, kulya kubà orhamanyaga amango wal’irhandûlwa».

Luka 23:28

Yezu anacibahindamukira, ababwîra, erhi: «Mwe bakazi b’e Yeruzalemu, murha­ndakiraga, ci mucîlakire mwenene mulakire n’abâna binyu!

Ebijiro 7:52

Mulêbi ohi basho barhalibuzagya? Banizire abakâg’ilêba okuyisha kw’Omushinganyanya, olya muzind’ilenganya mwanamuyîrha

Ebijiro 7:59

Erhi babà bakola badwîrhe bamubanda amabuye, Stefano akâshenga, erhi: «Yâgirwa Yezu, oyankirire omûka gwâni!»

Ebijiro 8:1

Na Saulu naye ali ayêmîre mpu bayîrhe Stefano. Olwo lusiku lwonênè barhondêra okulibuza Ekleziya y’e Yeruzalemu. Boshi bashandabana omu mirhundu y’e Yudeya n’e Samâriya, Entumwa zône zasigala.

Lushika 32:29

Nka bali bantu barhimanya bakanayumvîrhe, bakanabwîne bwinjà kurhi bazinda bali.

Lushika 5:29

Omurhima gwâbo gurhankarhangiyôrha guli ntyôla: gukazinkenga gunashimbe amarhegeko gâni lyo babona amasîma garhahwa, bône haguma n’abâna bâbo.

Mafulûlo 11:8

Emirhumba yâbo elambame omu ngo y’Ecishagala cinene batwa mugani mpu ye Sodomo na Mîsiri, ciryâla babambiragamwo Nnawâbo oku musalaba.

RUTI 2:12

“Nyakasane akuhêmbe oku minjà goshi wajizire, n’oluhembo lwâwe lubè lwîmâna embere za Nyakasane, Nyamuzinda w’Israheli, oyu oyishir’icîfulik’omu byûbi byâge”».