Luka 11:51 - BIBLIYA NTAGATIFU OMU MASHI

⁵¹ kurhenga omukò gw’Abeli kuhika omukò gwa Zakariya, owanigiragwa omu ka-Nyamuzinda ekarhî k’oluhêro n’ahatagatîfu. Okuli, mmubwîre, ebyo byoshi byabarhuzîbwe eri iburha.

Luka 11:51 ပူးပေါင်းရင်းမြစ်များ

Murhondêro 4:2

Ashub’iburha omulumuna Abeli. Abeli ali mushwesi wa bishwêkwa ci Kayini ali muhinzi wa budaka.

Yeremiya 7:28

Obabwîre erhi lolà olubaga lurhumva izù lya Nyakasane Nyamuzinda lurhanaziga lwabwîrizibwa. Ecihango cirhacihaba, cabarhenzire oku kanwa.

Zakariya 1:1

Omu mwâka gwa kabirhi gw’obwâmi bwa Dariyusi, mwêzi gwa kali munâni, akanwa ka Nyakasane kanacirhindakwo omulêbi Zakariya, mugala wa Barakiya mwene Ido.

Mateyo 23:35

mpu lyo mubarhuzibwa ngasi mukò mwêru-kwêru gwajire omu budaka, kurhenga omukò mwêrukwêru gw’Abeli kuhika oku mukò gwa Zakariya, mugala wa Barakiya, mwayîrhiraga omu ka-Nyamuzinda embere z’olutare!

Bahabraniya 11:4

Buyêmêre bwarhumaga Abeli arhûla Nyamuzinda enterekêro elushire eya Kayini; bwarhuma aderhwa mushinganya, erhi Nyamuzinda yêne àhamîriza oku ayankirîre entûlo zâge; bwo bunarhuma acîderha, kuhika buno, n’obwo àfîre.

Bahabraniya 12:24

mwayegîre Yezu, mulagizi w’endagâno mpyâhya, n’omukò gwâge gurhucêsa gunalushire ogw’Abeli okumany’iderha.

1 Yowane 3:12

Rhurhabaga aka Kayini wali mwene-Omubî, aniga omulumuna. Na cici amuyîrhiraga? Bulya ebijiro byâge byàli bibî, ci e­by’omulumuna byàli bishingânîne.