Luka 11:41 - BIBLIYA NTAGATIFU OMU MASHI

⁴¹ “Muhêreze abakenyi ebi mugwêrhe erhikwo, na ntyo byoshi byammubêra bicêse”.

Luka 11:41 ပူးပေါင်းရင်းမြစ်များ

Ennanga 112:9

Arhahimwa kuhâna n’okushîbirira abakenyi, obushinganyanya bwâge burhakahwa kuderhwa, irenge lyâge kugandâza lyanagandâza.

Ennanga 41:1

Gwârhi omukulu w’abimbiza. Lulanga. Lwa Daudi.

Migani 14:31

Okulibuza omuganda kubà kugayisa Owamulemaga; ci okubonera omukenyi obwonjo, kukuza Omulemi wâge.

Migani 16:6

Olukogo lw’oburhabêsha bwo bulyûla ebyâha, okurhînya Nyakasane kwo omuntu ayâkamwo obubî.

Migani 19:17

Obabalira omukenyi erhi Nyakasane abîsize, yêne ye wâjuhe.

Daniyeli 4:27

mwâmi aderha, erhi: «K’arhali cihugo ca Babiloni ecîra, Babiloni munene bwenêne oyu niene nayûbakaga nti mwo nadêkereza obwâmi bwâni n’obuhashe bwâni, kandi nti abè irenge ly’obukulu bwâni?»

Mateyo 26:11

Abakenyi, ensiku zoshi muli haguma nabo, ci niehe arhali ensiku zoshi mwambona.

Mateyo 5:42

Owakuhûne onamuhè; n’irhondo omanye wankayâka owalonz’ikuhôza.

Marko 7:19

“bulya birhamuja omu murhima, ci omu nda birhogera, na kandi bije aharhankaderhwa”». Ntyo ayêrekana oku ebiryo byoshi biri bicêse.

Luka 12:33

Muguze ebirugu binyu, murhabâlemwo abakenyi. Mucîlukire emvumba zirhashaja, munacîbîkire omuhako gurhahwa omu mpingu, emunda ecishambo cirhahika n’enundo erhalunda.

Luka 16:9

«Nâni mmubwîzire nti mukome amîra n’ebirugu by’enshamu, hano mubinyagwa, lyo abo bîra bammuyankiriza omu ibwârhalo ly’emyâka erhaganjwa.

Luka 18:22

Yezu erhi ayumva okwo, amubwîra, erhi: «Ciguma cône cikusigalîre: ebi ojira byoshi obiguze, ohè abakenyi, wayish’ibà n’omuhako omu mpingu; okuhandi oyîshe, onkulikire».

Luka 19:8

Zakeyo ayimanga, abwîra Nyakasane, erhi: «Waliha, ebirugu byâni nâbigabamwo kabiri, mpè abakenyi cigabi ciguma; n’akabà hali oyu nalenganyize oku byâge, nâmugalulira kâni».

Ebijiro 10:15

Liry’izù lyashub’imubwîra, erhi: «Ebi Nyakasane azirwîre, omanye wankaderha mpu byanahumânya?»

Ebijiro 11:29

Obwo, abaganda banacihiga mpu ngasi muguma, nk’oku anahashire, arhumire bene wâbo b’e Yudeya oburhabâle.

Ebijiro 24:17

“Hàbîre hamagera myâka erhali minyi, nayisha nti nderhere ishanja lyâni oburhabâle, nnanjire entûlo”.

2 Bakorinti 8:12

Obulonza bukabiduha, eci omuntu agwêrhe co cinarhuma asîmwa, ci arhankadôsibwa eci arhagwêrhi.

Befezi 4:28

Ngasi wali cishambo agokôle; akole n’amaboko gâge erhikwo nk’oku bishingânîne, ciru ahash’irhabâla ab’obuligo.

Tito 1:15

Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire.

Bahabraniya 13:16

Okujira aminjà nakwo n’okushangîra ebintu n’abandi, murhakuyibagiraga; entûlo za bene ezo zo Nyamuzinda asîma.

Bahabraniya 6:10

Bulya Nyamuzinda arhali mubula burhondekezi mpu ayîbagira ebijiro binyu n’obuzigire mwayêrekîne oku izîno lyâge, bulya mwakolîre abatagatîfu, munacidwîrhe mwakujira.

Yakôbo 1:27

Idini licîre lirhanalikwo ibala omu masù ga Larha Nyamuzinda, muliyumvagye: okukarhandûla enfûzi n’abakana omu malibuko gâbo, n’okucîlanga buzira izâbyo en’igulu.