Luka 10:28 - BIBLIYA NTAGATIFU OMU MASHI

²⁸ Yezu amubwîra, erhi: «Washuzize bwinjà; ojire ntyo, wabona akalamo».

Luka 10:28 ပူးပေါင်းရင်းမြစ်များ

Nehemiya 9:29

Ntâko orhajiraga mpu lyo bashub’igaluka emunda oli, cikwône oku buhwinja bwâbo barhayumvagya amarhegeko gâwe, bakabulira amahano gâwe, nobwo go gahâna obuzîne kuli ngasi yêshi onagashimba, bakaz’icigûkumula ebirhugo, baniola ecikanyi c’igosi, balahira okuyumva.

Migani 19:16

Olanga amarhegeko kucîlanga acilânga yêne, ci omuntu olekerera enjira yâge kufâ ajifâ.

Ezekiyeli 20:11

Nanacibahà amarhegeko gâni, nanacibamanyîsa e­ngeso zâni ezi bâli bagwâsirwe okushimba lyo balama nazo.

Ezekiyeli 20:13

Ci omulala gw’Israheli gwacîhindula kuli nie omwôla irungu; barhashimbaga amarhegeko gâni, bàjandika engeso zâni ezi balibagwâsirwe okushimba lyo balama nazo, barhajiraga okurhali kuhemukira ezo nsiku zâni za Sabato. Okubundi nanacibà n’olukengêro lw’okuderha oku nkola nabadubulirakwo abukunizi bwâni omwôla irungu, nti mbamalîre.

Ezekiyeli 20:21

Ci abôla bâna bacîhindula kuli nie, barhashimbaga amarhegeko gâni, barhalangaga barhanashimbaga engeso zâni, ezi bâli bagwâsirwe okushimba lyo balama nazo; bahemukira ensiku zâni za Sabato. Okubundi nanacibà n’olukengêro lw’okuderha oku nkola nabadubulirakwo obukunizi bwâni, nti mbayûkizekwo oburhè bwâni omwôla irungu.

Ben Levi 18:5

Mushimbe amarhegeko n’engeso zâni: owankabishimba kwinjà alama. Nie Nyamubâho oku­desire.

Mateyo 19:17

Yezu naye anacimubwîra, erhi: «Cici cirhumire ondôsa ebya aminjà? Akabà walonza okujà omu buzîne bw’ensiku n’amango, oshimbe amarhegeko».

Marko 12:34

Yezu erhi abona oku ashambîre kwinjà amubwîra, erhi: «Obwâmi bwa Nyamuzinda burhakuli kulî». Na ntâye wacikâg’ihalîza mpu amudôsa.

Luka 7:43

Simoni ashuza, erhi: «Ncîkêbirwe nti olya nyakubabalirwa oku binji». Anacimubwîra, erhi: «Wadesire oku binali».

Barom 10:4

Bulya obushwinjiro bw’Irhegeko, ye Kristu, ye nayêza ngasi mwemêzi.

Barom 3:19

Rhurhanahabiri oku ebiri omu Ndagâno ya mîra byoshi biyêrekîre abayihâbagwa, lyo ngasi kanwa kahulika, lyo na ngasi muntu abona oku ali mubî embere za Nyamuzinda.

Barom 7:10

nâni nabaga nie nfà. Ntyo amarhegeko gàl’ikwânîne okumpà obuzîne, gabà lufù lwo ganderhera.

Bagalasiya 3:12

Amarhegeko gôhe garhayegemera buyêmêre, ci ogashimba, ganamulamye.

Lushika 6:24

Nyamubâho arhurhegesire mpu rhushimbe ago marhegeko goshi, lyo rhurhînya Nyamubâho, Nyamuzinda wîrhu, rhukaziyôrha rhuli n’obusîme rhunabone akalamo nk’oku binayôsire kuhik’ene.