Luka 10:2 - BIBLIYA NTAGATIFU OMU MASHI

² Ababwîra, erhi: «E­myâka y’okusârûlwa eri minji, ci abakozi banyiha; hunagi Nn’emyâka arhume abakozi omu myâka yâge.

Luka 10:2 ပူးပေါင်းရင်းမြစ်များ

1 Bâm 18:22

Eliya agendekera aderha erhi: «Niene nsigîre nka mulêbi wa Nyakasane, n’abalêbi ba Baali bali magana anni na makumi arhanu.

Ennanga 68:11

N’obusò bwâwe bwayâbukira muli eco cihugo wali obîkîre omukenyi, obûla oyinjiha Nnâmahanga.

Yeremiya 3:15

Namuhà balungere omurhima gwâni gusîmire, abôla bamuyâbula n’oburhimanya n’obumanye.

Zakariya 11:17

Buhanya bwâge oyo lungere w’ecinganyi olekêrera obusò bwâge! Ebîrha bimushangule emisî y’amaboko n’okubona kw’amasù gâge: okuboko kwâge kuhole n’isù lyâge liryo lirhacifâga lyabwîne!

Zakariya 11:5

ebi abasaka ebimasha babâga buzira kuhanwa. N’abarhunzi b’ebibuzi baderhe, mpu: «Nnâmahanga agânze! Rhwono rhwa­magala. Ciru na balungere b’ebibuzi barhabifungira».

Mibalè 11:17

“Nayishibunguluka nshambâle nâwe ahôla; narhôla kuli gulya mûka gukulikwo, nguhire kuli bo, lyo babarhula mweshi nabo ogwôla muzigo g’olubaga, na ntyôla orhacikazigubarhule wênewêne”.

Mibalè 11:29

Mûsa amushuza, erhi: «Ka wamambonera obumvu? Owabona Nyamuzinda ahindula olubaga lwa Nyamubâho lwoshi lukola lwakazilêba, na Nyamubâho ahire omûka gwâge kulibo!»

Mateyo 20:1

Obwâmi bw’empingu bushushîne na nnakà wazûkaga mucêracêra mpu aj’ilâlika abamukolera omu lukoma lwâge lw’emizâbîbu.

Marko 13:34

Nka kulya omuntu wabalamaga: Aleka enyumpa, aha abambali obuhashe ngasi muguma omu mulimo gwâge, akomêreza omulanzi mpu abè masù.

Marko 16:15

Anacibabwîra, erhi: «Mugende omu igulu lyoshi, muyigîrize ngasi ciremwa Emyanzi y’Akalembe.

Marko 16:20

Nabo balîkûla, baj’iyigîriza hoshi hoshi; Nyakasane erhi ajà akola haguma nabo anakomeza Oluderho n’ebisômerîne byakâg’i­lukulikira.

Luka 9:1

Ahamagala balya Ikumi-na-babiri, abahà obuhashe n’obuzibu oku ba­shetani boshi n’oku ndwâla mpu bazifumye.

Ebijiro 11:19

Nabo balya bashandabanaga erhi entambala yazûkaga amango ga Stefano erhuma, banacihârhûla, bahika omu cihugo c’e Fenisiya, n’e Cipro, n’e Antiyokiya, ci barhayigîrizagya abarhali Buyahudi oluderho lwa Nyamuzinda.

Ebijiro 13:2

Lêro kwanacibà erhi badwîrhe bagashâniza Nyakasane banacîshalisize, Mûka Mutagatîfu ababwîra erhi: «Muntôlere Barnaba na Saulu, mubahire hâgo hâgo, banjîre obugo nâcîbîshogera».

Ebijiro 13:4

Erhi babà bamarhumwa ntyo na Mûka Mutagatîfu, bayandagalira e Selu­kiya, n’erhi bayîrhenga, bajà omu bwârho, bayîkirira e Cipro.

Ebijiro 20:28

“Mucîlangage mwene, munalange bwinjà obusò Mûka Mutagatîfu ammuyâbuzize mpu mububêre balungere, lyo muyâbula e Ekleziya ya Nyamuzinda alonsire n’omukò gwâge”:

Ebijiro 22:21

“Anacimbwîra”, erhi: “Genda bulya nakurhuma kulî omu mashanja”».

Ebijiro 8:4

Balya bashandabanaga, bagera hoshi hoshi omu cihugo, bajà bayigîriza akanwa ka Nnâmahanga.

1 Bakorinti 12:28

Omu Ekleziya hali abà Nyamuzinda ajizire: burhanzi ntumwa obwa kabiri balêbi, bwa kasharhu bigîriza; okuhandi ahiraho obuhashe bw’okujira ebisômerîne, n’enshôkano z’okufumya, n’ez’okurhabâla abâli omu bulagîrire n’ez’okurhegeka, n’ez’okuderha endimi za ngasi lubero.

1 Bakorinti 15:10

Cikwône eri nshôkano ya Nyamuzinda yanjiraga okûla ndi, n’enshôkano anshobôzagya erhagumbaga muli nie. Ci nie nakozire kubalusha boshi! Câba nanga, arhali nie, ci enshôkano ya Nyamuzinda haguma nâni.

2 Bakorinti 6:1

Na bulya ye rhudwîrhe rhwarhabâla, rhummuhûnyire nti murhalekaga e­nshôkano ya Nnâmahanga yagera busha.

Bafilipi 2:21

Kali boshi banakalonza obunguke bwâbo bône, ci barhalwîra ebya Kristu!

Bafilipi 2:25

Ncîkêbirwe nti kukwânîne mmugalulire Epafroditi, oyu mwene wîrhu rhushangîra naye omulimo n’amatumu, ye muganda mwantumiraga mpu antabâle omu bulagîrire bwâni.

Bafilipi 2:30

Bulya mukolo gwa Kristu gwarhumaga alinz’ifà, alonz’ihâna obuzîne bwâge, mpu oburhabâle murhankahashir’impisakwo, abumpè ahâli hinyu.

Bakolosi 1:29

Eco co ntamira, omu kulwa entambala n’oburhabâle bw’emisî mpâbwa n’obuhashe bwâge.

Bakolosi 4:12

Epafra, oburhwa emwinyu, mwambali wa Kristu Yezu, ammulamusize; arhahusa okummulwîrakwo omu nsengero zâge, mpu lyo muzibuha, muyôrhe muli bimâna, munasêre oku ngasi ebi Nnâmahanga alonzize byoshi.

1 Batesalonika 2:9

Mucikengîre, bene wîrhu, emirimo n’emiluho yîrhu: rhwakâg’immuyigîriza Emyanzi y'Akalembe ya Nnâmahanga omu kukola budufu na mûshi nti lyo rhurhazidohera ndi muli mwe.

1 Batesalonika 5:12

Rhummuhûnyire, bene wîrhu, nti mukâkenga balya bammuluhira, abammukulîre muli Nyakasane, banakammuhanûla.

2 Tesalonika 3:1

Nêci, bene wîrhu, murhusengerere: oluderho lwa Nyamuzinda lulande lunakundwe nk’oku luli emwinyu;

1 Timoteyo 4:10

Okwôla kwo kurhuma rhulibuka n’okulwa entambala, bulya rhulangâlire Nyamuzinda ozîne, ye Muciza w’abantu boshi, ci bwenêne ow’abemêzi.

2 Timoteyo 4:5

Ci wêhe obè murhondêza muli byoshi; olembere amalibuko; ojire omukolo gwâwe gw’omwigîriza w’Emyanzi y’Akalembe; obè mwimâna omu bujà-bugo bwâwe.

Filemoni 1:1

Paolo, mubohe wa Kristu Yezu, na mwene wîrhu Timoteyo, kuli Filemoni, murhabâzi wîrhu muzigirwa,

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

Mafulûlo 2:1

Malahika w’Ekleziya y’e Efezi omuyandikire, erhi: «Kwo adesire ntyâla olya ofumbasire nyenyêzi nda omu kuboko kwâge kulyo, okâyisha alà­mbagira ekarhî ka binâra nda bya masholo.