Luka 1:48 - BIBLIYA NTAGATIFU OMU MASHI

⁴⁸ bulya alolêrize obunyi bwa mwambali-kazi wâge. Nêci kurhenga ene amashanja goshi ganderha muny’iragi,

Luka 1:48 ပူးပေါင်းရင်းမြစ်များ

Murhondêro 30:13

Lea aderha, erhi: «Oku irenge lyâni, bulya abirhu bakazi bankuza»; ayîrika olya mwâna izîno lya Asheri.

2 Samweli 7:8

“Bunôla ojag’ibwîra mwambali wâni Daudi ntyâla: Erhi mpu oku akanwa Nyamuzinda kadesire kw’oku: Niene nakurhenzagya ebulambo erhi oyâbula ebibuzi, nakwîshoga nti obè mwâmi w’olubaga lwâni Israheli”;

Ennanga 102:17

Hano ôbà wamâshubiyûbaka Siyoni, Siyoni yeshi aboneka omu irenge lyâge,

Ennanga 136:23

Arhukengêra amango bamârhulungumarhiza, bulya obuzigire bwâge buli bw’ensiku n’amango,

Ennanga 138:6

Omu bukulu bwâge kurharhuma arhashîbirira abanyinyi, n’okukengula abacîbona binjà.

Ennanga 72:17

Izîno lyâge lyâgishwa ensiku n’amango, oku izûba licibasha, erhi ho n’izîno lyâge libà. Emilala yoshi y’igulu yâgishirwa muli ye, amahanga goshi gâmuderha muny’iragi.

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Malakiya 3:12

Amashanja g’ihanga gakazimmuderha bany’iragi, bulya ecihugo cinyu câbà cinjà c’okucîfinjwa okuhêrwarnwo, kwo ndesire nie Nyakasane w’Emirhwe.

Luka 1:28

Erhi ahika omu mwâge, amubwîra, erhi: «Nkuhîre omusingo, we oyunjwîre inêma, Nyakasane ali haguma nâwe».

Luka 1:42

Anaciyâkûza n’izù linene, aderha, erhi: «Oli mugishe omu bakazi, n’omwâna w’enda yâwe naye mugishe!

Luka 1:45

“Iragi lyâwe we wayêmîre oku ebi wabwîragwa na Nyakasane byâbà!”»

Luka 1:49

bulya Ogala-byoshi anjirire ebirhangâzo, Izîno lyâge liri litagatîfu,

Luka 11:27

Lêro oku adwîrhe aderha ntyo, mukazi muguma omu lubaga anaciyakuûza, erhi: «Iragi ly’enda yakuhêkaga n’amabêre gakuyonsagya!»

1 Samweli 1:11

Alaganya Nyamubâho, erhi: Ewe Mwâmi w’igulu lyoshi, okalola omungo gwa mwambalikazi wâwe, onakengere, orhaciyibagiri mwambalikazi wâwe, omu kumushobôza omwânarhabana, ntyo nanamurherekêra Nyamubâho ensiku zoshi z’obuzîne bwâge, ciru n’olugembe lurhakagera okw’irhwe lyâge ciru n’eliguma.

1 Samweli 2:8

Ye kûla omugalugalu omu katulo, n’omukenyi amukûle omu camvu, amudahaze omu ndêko y’abaluzi n’okumuhà entebe y’irenge; bulya ebikondo by’igulu binali bya Nyakasane, enyanya yabyo yo ayûbasire igulu.