Lubungo 7:3 - BIBLIYA NTAGATIFU OMU MASHI

³ “Ci kwône nadundaguza omurhima gwa Faraoni mwâmi w’e Mîsiri. Naluza ebimanyîso n’ebirhangâzo omu cihugo c’e Mîsiri”.

Lubungo 7:3 ပူးပေါင်းရင်းမြစ်များ

Nehemiya 9:10

Wajizire ebimanyîso n’ebirhangâzo embere za Faraoni mwâmi w’e Mîsiri, abambali n’olubanga lw’ecihugo câge coshi, bulya wali’imanyire oku wal’ijizire obwinjà embere z’ababusi bîrhu, n’izîno lyâwe lyanacija irenge nk’oku binali oku lw’ene.

Ennanga 135:9

Arhuma ebisômerîne n’ebimanyîso emund’oli bulya wa Mîsiri, abirhumira Faraoni mwâmi w’e Mîsiri n’abambali boshi.

Ennanga 78:12

Ali àjirîre ebisômerîne by’enkwîra omu masù ga b’îshe, amango bâli omu cihugo c’e Mîsiri n’oku irango lya Sowani.

Lubungo 11:10

Ebyo birhangâzo byoshi Mûsa na Aroni bàli bajirîre embere za Faraoni mwâmi w’e Mîsiri, ci Nyakasane àdundaguza omurhima gwa Faraoni mwâmi w’e Mîsiri, àrhazigaga mpu bene-Israheli barhenge omu cihugo câge.

Lubungo 11:9

Nyakasane abwîra Mûsa, erhi: «Faraoni mwâmi w’e Mîsiri arhakuyumve mpu lyo ebirhangâzo byâni biluga omu Mîsiri.»

Lubungo 14:4

“Nadundaguza omurhima gwa Faraoni mwâmi w’e Mîsiri, abashimbûlire. Ci nayêreka Faraoni mwâmi w’e Mîsiri n’emirhwe yâge, irenge lyâni, lyo Abanya-Mîsiri bamanya oku nie Nyakasane.”» Banacijira ntyo.

Lubungo 3:20

“Nkolaga nalambûla okuboko kwâni, nshûrhe Mîsiri n’ebirhangâzo najira muli ye. Enyuma ly’okwo anamulika mugende”».

Lubungo 4:21

Nyakasane abwîra Mûsa, erhi: «Obu washubira e Mîsiri, obuhashe bwa birya bisômerîne byoshi nakuhâga, obujirire embere za Faraoni mwâmi w’e Mîsiri, nâni namudundaguza omurhima, arhalike olubaga mpu lugende.

Lubungo 4:29

Mûsa n’Aroni banacigendishubûza abagula ba bene-Israheli boshi.

Lubungo 4:7

Nyakasane amubwîra, erhi: «Shubiza okuboko kwâwe oku nda.» Ashubiza okuboko oku nda anakugalula; kwàli kwamashubibà nk’ebindi birumbu by’omubiri gwâge.

Lubungo 7:13

Ci omurhima gwa Faraoni mwâmi w’e Mîsiri gwadundagula; arhayumvagya Mûsa na Aroni, nk’oku Nyakasane anaderhaga. Obuhanya burhanzi:

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Migani 21:1

Omurhima gwa mwâmi kwo guli omu nfune za Nyakasane nka mugezi gwa mîshi, emunda alonzize yo anaguhengulira.

Izaya 51:9

Zûka, zûka, cihundikire emisî yâwe, wâni kuboko kwa Nyakasane! Zûka nka omu nsiku za mîra, nka omu myâka yageraga!

Mikeyo 7:15

Nka kulya mwa zirya nsiku warhurhenzagya omu cihugo c’e Mîsiri oshubigirhuyêreka ebirhangâzo.

Yowane 4:48

Yezu amubwîra, erhi: «Ka mukabà murhabwîni ebisômerîne n’ebirhangâzo murhâyêmêre?»

Ebijiro 2:22

Bene-Israheli, muyumve ebi binwa: Yezu w’e Nazareti, olya muntu Nyamuzinda akuzagya muli mwe, amuhà obuhashe bw’okujira ebisômerîne n’ebirhangâzo n’ebimanyîso ekarhî kinyu, okwo murhakuhabiri ninyu,

Ebijiro 7:36

Ye wabarhenzagya muli eci cihugo omu kujira ebisômerîne n’ebirhangâzo e Mîsiri n’omu Nyanja Ndukula, n’omu irungu myâka makumi anni.

Barom 15:19

oku buhashe bw’ebimanyîso n’ebisômerîne, n’oku buhashe bwa Mûka gwa Nyamuzinda. Ntyôla kwo nalumîzize Emyanzi y’Akalembe ya Kristu kurhenga e Yeruzalemu kuhika e Iliriya.

Barom 9:18

Ntyôla, anababalire oyu alonzize, n’oyu alonzize okudundaguza amudundaguze.

Lushika 4:34

Ka hali owundi nyamuzinda okola ôyishire alilonza ishanja omu karhî k’erindi ajira eby’okurhangula, ebimanyîso, ebisômerîne anatula entambala n’enfune nzihun’okuboko kula­mbûle ajira eby’okuyôbohya nka kulya Nyamubâho Nyamuzinda winyu àmujiriraga e Mîsiri, erhi mwanasinza?

Lushika 7:19

galya marhangulo manene amasù gâwe gaciboneraga, birya bimanyîso n’ebirhangâzo, kulya kuboko kulambûle Nyamubâho Nyamuzinda wâwe akuhulusagyamwo; ntyo kwo Nyamubâho, Nyamuzinda wâwe akolera ago mashanja oyôbohire.