Lubungo 3:7 - BIBLIYA NTAGATIFU OMU MASHI

⁷ Nyakasane anaciderha, erhi: «Kwo binali, nabwîne amalibûko g’olubaga lwâni luli e Mîsiri, nayumvîrhe n’endûlù ludwîrhe lwabanda embere z’abadwîrhe balulibuza. Nêci, manyire malibuko maci lulimwo.

Lubungo 3:7 ပူးပေါင်းရင်းမြစ်များ

Murhondêro 16:11

Malahika wa Nyamubâho anacimubwîra, erhi: «W’oyo oli izîmi, waburha omwânarhabana, wayîsh’imuyîrika izîno lya Ismaeli, bulya Nyamuzinda anayumvîrhe omulenge gwâwe.

Murhondêro 18:21

Nkolaga nabunguluka ndole erhi nanga erhi nêci bajizire ebîra omulenge gubashobesire emunda ndi gumanyisize: nâni ntacihabè».

Murhondêro 21:17

Nyamuzinda ayumva omulenge gw’omwâna erhi anali empingu, malahika wa Nyamuzinda ahamagala Hagari amubwîra, erhi: «Kurhi wabîre Hagari? Orhôbohaga bulya Nyamuzinda ayumvîrhe olujamu lw’omwâna aho ali.

Murhondêro 29:32

Lea arhôla izîmi, aburha murhabana, amuyîrika izîno lya Rubeni, bulya, gwârhi yêne: «Nyamubâho anabwîne amalibûko gâni, lêro ibanie ansîma».

Murhondêro 31:12

Anaciderha, erhi: «Yinamula amasù obone engandabuzi zihambasire ebibuzi ziri za musengo na za butonè-butonè, bulya nabwîne oku Labani akujizire kwoshi.

Murhondêro 31:42

Nka Nyamuzinda wa larha, Nyamuzinda w’Abrahamu, Îshe wa Izaki, arhali haguma nâni, wali wandeka maboko mûmu. Ci kwône Nyamuzinda abwîne amalibûko gâni n’omukolo gwâni, n’ene budufu, yêne atwa olubanja».

2 Samweli 22:28

We oyôkola olubaga luli omu marhabi, n’abacîbona onabayase obusù bwâwe.

2 Bâm 13:4

Yowakazi ayinginga Nyamubâho na Nyamubâho naye anamuyumva bulya naye ali amâbona kurhi Israheli alibuka ebwa kulibuzibwa n’omwâmi w’e Sîriya.

2 Bâm 20:5

“Ntyâla kwo Nyamubâho, Nyamuzinda wa sho Daudi, adesire: Nayumvîrhe omusengero gwâwe, nabwîne n’emirenge yâwe; alaga oku nkolaga nakufumya na hano kugera nsiku ibiri wajà omu ka­-Nyamuzinda”.

Nehemiya 9:9

Wabwîne kurhi ababusi bîrhu balibukaga omu Mîsiri, wanayumva omulenge gwâbo oku Nyanja y’Amashekesheke.

Ennanga 106:44

Ci kwône, erhi àyumva omulenge gwâbo, alolêreza amalibuko gâbo.

Ennanga 12:6

Naye Nnâmahanga, erhi: «Amalibuko g’abazamba» «n’emirenge y’abakenyi erhumire», «nkolaga nayimanga; abalonza obucire nabahêrezabwo.»

Ennanga 142:3

Omu masù gâge narhûla omutula gungwêrhe, embere zâge nabulagira oburhè bungwêrhe.

Ennanga 145:19

Abamurhînya anabajirire ngasi byoshi bacîfinja, anayumve emirenge yâbo anabacize.

Ennanga 22:24

Mwe murhînya Nyakasane, kuzagyi ye, we iburha lya Yakôbo wêshi, omuhè irenge. Iburha ly’Israheli lyoshi limoyôbôhe.

Ennanga 34:4

Mungwâse rhukuze Nyakasane, rhunagwâsanye izîno lyâge rhulihire enyanya.

Ennanga 34:6

Murhang’imulolakwo ninyu mushagaluke, n’enshonyi zimurhenge omu masù.

Ennanga 35:22

Obwînage obwo Waliha, omanye wankacihulika, omanyâge wankacinja kuli.

Ennanga 9:14

Yâgirwa Nyamuzinda, ombabalire, olole oku abashombanyi badwîrhe bantindibuza, onshugule omu mihango y’olufù;

Lubungo 1:11

Okubundi banacibahirakwo abarhambo bakazibakolêsa obukûkuru, mpu lyo babagombya n’emikolo mizibu. Ntyo kwo bayûbakire Faraoni mwâmi w’e Mîsiri ebishagala by’embîko, Pitomu na Ramusesi.

Lubungo 1:8

Lêro omwâmi muhyâhya, orhalimanyire Yozefu, anaciyîma omu Mîsiri.

Lubungo 22:23

Oburhè bwâni bwanayâka mmuyirhe n’engôrho, bakînywe bahinduke bakana n’abâna binyu babè nfûzi.

Lubungo 33:13

“Lêro akabà ntonyire omu masù gâwe okunali, ommanyisagye nâni amajira gâwe, lyo nâni nkumanya, nanderhe lyoki oku mbà murhonyi omu masù gâwe. Na kandi, omanye oku eri liri ishanja lwâwe!”»

Lubungo 5:10

Abarhambo n’abimangizi b’olubaga bahuluka, bajibwîra olubaga, mpu: «Ntya kwo Faraoni mwâmi w’e Mîsiri adesire: Ntakacimmuhà ebyâsi!

Lubungo 5:6

Olwo lusiku lwonênè, Faraoni mwâmi w’e Mîsiri arhegeka abarhambo n’abimangizi b’emikolo b’olubaga, erhi:

Izaya 63:9

Omu malibuko gâbo goshi, arhali ntumwa nîsi erhi malahika, ci yêne wayishir’ibacungula. Omu buzigire n’omu lukogo lwâge, yêne wabayôkwîre; àbabarhula, àbahêka yêne omu nsiku za mîra zoshi zoshi.

Mibalè 20:16

Rhwanacilakira Nyamubâho. Naye anaciyumva omulenge gwîrhu; arhuma malahika mpu arhukûle eyo Mîsiri. Lolà oku rhuli buno aha Kadesi, Lugo elubibi lw’ecihugo câwe.

Ebijiro 7:34

Nêci, nabwîne amalibuko g’olubaga lwâni omu Mîsiri, n’omulenge gwâlo naguyumva; bw’obunyandagîre nti nducize. Yishaga, nkurhume e Mîsiri.»

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.

1 Samweli 9:16

«Irhondo nka ganôla mango, nakurhumira omuntu w’omu bûko bwa Benyamini, omushîge amavurha, omuyîmike ye wâbà mwâmi w’olubaga lwâni lw’Israheli, ye wayôkola olubaga lwâni omu bujà bw’Abafilistini, bulya nabwîne olubaga lwâni na bulyâla omulenge gwâlo gwahisire emunda ndi.»