Lubungo 27:9 - BIBLIYA NTAGATIFU OMU MASHI

⁹ Kandi ojire obululi bw’Endâro, olunda lw’ebulyo, emukondwè, obululi bubwikwe n’emyanda y’ecitâni ciniole, ya buli bwa makoro igana ngasi lunda.

Lubungo 27:9 ပူးပေါင်းရင်းမြစ်များ

1 Bâm 6:36

Ayûbakakwo ebicîkirizo biri kuli mirongo isharhu ya mabuye marhendêze bwinjà bya mirhi ya sedre.

1 Bâm 8:64

Olwôla lusiku mwâmi agisha obululi bw’ecirhînyiro ciri embere z’enyumpa ya Nyakasane bulya ahôla ho ayôkîre enterekêro z’embâgwa, amashushi g’enterekêro z’omurhûla ebwa kubà oluhêrero lw’amarhale lwàli embere za Nyakasane lwamâbà lunyi lurhankahashir’ihirwakwo ezôla nterekêro zoshi ez’embâgwa ez’okuyôca amashushi g’enterekêro y’omurhûla.

2 Nganîro 33:5

Ayûbaka empêrero oku bazimu b’oku nkuba boshi omu maluli gombi g’aka-Nyamubâho.

2 Nganîro 4:9

Ajira obululi, aha abadâhwa bakazibêra, ajira n’engo nene, ahirakwo n’emihango na kuli eyôla mihango ahirakwo enyunyi z’omulinga.

Ennanga 100:4

Mushesherere omu mihango yâge erhi mwanakoma akagasha. muyongoberere omu côgo câge n’enyimbo; mumuhè irenge, mukuze izîno lyâge.

Ennanga 84:10

Nnâmahanga, we mpenzi yîrhu, rhulolekwo nîrhu, lolà oku busù bw’omushîge wâwe.

Ennanga 92:13

Omuntu orhalyâlyanya yêne! kwo ayâna nka murhanda. Kwo amina nka nduluma ye Sedre y’e Libano.

Lubungo 27:10

Emitungo yabwo oku enali makumi abirhi, n’amarhwèrhwè gâyo, bibè bya mulinga. Engondôzo z’eyo mitûngo n’amaganyi gâyo, bibè bya cirhale.

Lubungo 35:17

“emyenda y’emihango y’omu côgo n’emitûngo yayo, amarhwèrhwè gâyo n’omwenda gw’olumvi lw’oku côgo”,

Lubungo 36:17

Bahira mishumi makumi arhanu oku muhiro gw’ecirhebo cizinda cishwesire ebyâbo, na yindi makumi arhanu oku muhiro gwa birya bya kabirhi bishwêkîrwe haguma.

Lubungo 39:40

emyenda y’aha muhango gw’obululi, emigozi yayo, enkwîra zamwo n’ebirugu byoshi by’omukolo gw’omu Cihando c’Ihano.

Lubungo 40:33

Ànacijira obululi, entambirbambi z’Endâro, n’oluhêrero, àhirakwo omwenda aha muhango gw’obululi. Mûsa ayûkiriza ntyo emikolo. Irenge lya Nyamuzinda lyabûmba Endâro

Lubungo 40:8

Ohire obululi eyi n’eyi, onahire omwenda aha muhango gw’obululi.

Ezekiyeli 40:14

Anacipîma ecindi cizimbêro: càli ca makano makumi abirhi, co càli cizimbêro c’okulunga engo y’ahôla kabadu.

Ezekiyeli 40:17

Anacimpêka ebwa bululi bwàli buyêrekîre olunda lw’embuga, nalola oku bwàli bugwêrhe ebyumpa byàli bibambire omu bululi bwâbyo; byàli eburhambi bw’obwôla bululi bw’embuga, hali byûmpa makumi asharhu oku bulî bw’ahwôla hantu hali habambirwe.

Ezekiyeli 40:20

Oku biyêrekîre olunda lw’emwênè, apîma yo obulî n’obugali bw’omuhango gwàli olwôla lunda lw’emwênè.

Ezekiyeli 40:23

Obululi bw’omu ndalâlà bwàli bugwerhc nabo akabadu, kali kayêrekîre akabadu k’olunda lw’emwênè, kali kuguma n’aka olunda lw’ebuzûka-zûba; apîma kurhenga oku kabadu kujà oku kandi; gali makano igana.

Ezekiyeli 40:28

Anacimpêka omu bululi bw’omu ndalâlà, kugera omu muhango guli olu­nda lw’emukondwè, nago gwàli gugwêrhe bipîmo biguma.

Ezekiyeli 40:32

Kandi anacimpêka omu bululi bwàli olunda lw’omu ndalâlà, olunda lw’ebuzûka-zûba, anacipîma omuhango gwàli yo, nago gwàli gugwêrhe bipîmo biguma.

Ezekiyeli 40:44

Emugongo g’omuhango gw’omu ndalâlà mwâli ebyumpa by’abimbiza b’omu bululi buli omu ndalâlà. Cûmpa ciguma càli ebwa muhango g’olunda lw’emwênè, cakazâg’ilola olunda lw’emukondwè; ecindi càli ebwa muhango gw’olunda lw’emukondwè, cakazâg’ilola olunda lw’emwênè.

Ezekiyeli 42:3

embere z’agôla maka­no makumi abirhi g’obululi bw’omu ndalâlà n’embere z’engo mbambîre y’obululi bw’emuhanda, yali eyindi nyumpa yali eshegemire erya yindi nyumpa y’ebimpêkanè bisharhu.

Mibalè 3:26

Bàlibagwêrhe omukolo gw’oku birhebo by’omu bululi, oku mushangi gw’aha muhango gw’obululi, oku burhambi bw’Omucîmba koshi n’oku luhêrero n’oku migozi yalo yoshi.

Mibalè 4:26

Bakazihêka emikango y’obululi n’omushangi gubwîkira omuhango gw’obululi omu marhambi g’Endâro mwoshi, ey’oluhêrero n’emigozi yayo, kuguma n’ebirugu bikola eyôla, na kandi bo bakazijira emikolo enayêrekîre ebyôla byoshi.

Mibalè 4:32

Bakazihêka n’emitungo ezungulusire obululi, amarhwerhwe gâyo, emigozi, ebirugu byamwo n’emikolo ebiyêrekîre. Mukaziganja bwinjà ebyôla birugu bagwâsirwe okubarhula ngasi ciguma cimanyirirwe n’izîno lyâco muli ebyôla birugu babahîre okubarhula.