Lubungo 17:9 - BIBLIYA NTAGATIFU OMU MASHI

⁹ Mûsa abwîra Yozwè, erhi: «Ocîshoge abantu, ogend’ilwîsa Amaleki; irhondo naj’iyimanga oku irhwèrhwè lya hira hirhondo n’akarhi ka Nyamuzinda omu nfune.»

Lubungo 17:9 ပူးပေါင်းရင်းမြစ်များ

1 Nganîro 7:27

Nuni na Yozwè.

Lubungo 17:13

Yozwè àhima Amaleki, n’olubaga lwâge àlugeza oku bwôji bw’engôrho.

Lubungo 18:21

Kandi, omu lubaga lwoshi, ocîshogemwo abalume b’entwâli, abarhînya Nyamuzinda, ab’okucîkubagirwa, bantahemuka; obajire barhambo b’olubaga: barhambo ba bihumbi, barhambo ba magana, barhambo ba makumi arhanu-arhanu na barhambo b’ikumi ikumi.

Lubungo 24:13

Mûsa anaciyimuka, bo n’omurhabâzi wâge Yozwè. Mûsa anacisôkera oku ntondo ya Nyamuzinda,

Lubungo 33:11

Nyakasane àkâgishambâla bo na Mûsa busù oku busù nka kula omuntu anashambâza owâbo muntu. Okuhandi Mûsa àkagishubira ebw’icumbi, ci omurhabâzi wâge Yozwè, mwâna wa busole mwene Nuni, yêhe arharhengaga omu Cihando.

Lubungo 4:17

“N’aka karhî, okafumbarhe, ko wagendikajiramwo ebirhangâzo”»

Lubungo 4:2

Nyakasane anacimubwîra, erhi: «Cici eco ofumbasire omu nfune?» Naye ashuza, erhi: «Karhi.»

Lubungo 4:20

Mûsa arhôla mukâge n’abagala, abashoneza oku cihêsi, ashubira omu cihugo c’e Mîsiri. Kalya karhi ka Nyamuzinda, Mûsa akafumbarha.

Mibalè 11:28

Ho na halya, Yozwè, mwene Nuni, abâga murhumisi wa Mûsa kurhenga eburhò bwâge, ajà omu kanwa aderha, erhi: «Mâshi yâgirwa Nnawîrhu Mûsa, obahanze.»

Mibalè 13:16

Agôla go mazîno g’abantu barhumagwa mpu bâge­ndiyênja ecihugo. Mûsa ayîrika Oseyi mwene Nuni izîno lya Yozwè.

Mibalè 13:8

Omu bûko bwa Efrayimu, Oseyi, mwene Nuni,

Mibalè 27:18

Nyamubâho abwîra Mûsa, erhi: «Rhôla Yozwè, mwene Nuni, ali muntu oyunjwîre Mûka. Ogendihira okuboko kwâwe kuli ye.

Ebijiro 7:45

Erhi babà bamacihâbwa, balarha bacihêka omu cihugo banyagaga galya mashanja Nnâmahanga alibirhagakwo embere zâbo, Yozwe ye wali cirongozi câbo; byàbà ntyo kuhika amango ga Daudi.

Lushika 32:44

Mûsa ayisha ali bona Yozwè mwene Nuni, ebinwa by’olu lwimbo byoshi abiderhera omu kurhwiri kw’olubaga. Okushimba irhegeko kwo kulama

Bahabraniya 4:8

Yozwe acihisagya bene-Israheli mw’ogwo muluhûko, Nyamuzinda àrhankacidesire mpu «olundi lusiku».

Yozwe 8:18

Nyakasane anacibwîra Yozwè, erhi: «Lambûlira olunda lwa Ayi eryo itumu ofumbasire omu nfune, bulya nkola nakuhà eco cihugo». Yozwè anacilambûlira olunda lw’olugo, lirya itumu lyâge ali afumbasire omu nfune.

Yozwe 8:3

Yozwè n’engabo yâge basôkera oku matabâro, hakola bagendilwîsa Ayi. Yozwè acîshoga balume bihumbi makumi asharhu ba ntwâli, abarhuma mpu babè bagenda budufu.