Lubungo 13:2 - BIBLIYA NTAGATIFU OMU MASHI

² «Onterekêre ngasi lubere lwa muli bene-Israheli, lulya luzibûla omulà gwa nnina walwo, olw’omu bantu n’olw’omu bintu: luli lwâni.»

Lubungo 13:2 ပူးပေါင်းရင်းမြစ်များ

Nehemiya 10:36

Rhwanalagânana oku rhwakâlêrha ngasi mwâka emburho ntangiriza eyêzire oku myâka yîrhu omu ka-Nyamuzinda, ebè mburho y’ebihumbwa ekuzimu nîsi erhi ebiyêra oku mirhi.

Nehemiya 10:37

Rhwanalagânana oku rhwakalêrha omu nyumpa ya Nyamuzinda wîrhu, oku badâhwa bajira emikolo omu nyumpa ya Nyamuzinda wîrhu, ngasi ciburhwa-lubere c’abâna bîrhu, ebintu bîrhu nk’oku binayandisirwe, oku bya olubere lw’enkafu zîrhu n’ebibuzi bîrhu.

Lubungo 13:1

Nyakasane àganîza Mûsa, amubwîra, erhi:

Lubungo 22:28

Emyâka yâwe n’omurhobo gw’omu mukenzi gwâwe, orhahîraga okaleka abandi babintangakwo. Okaz’interekêra enfula y’omu bagala bâwe.

Lubungo 23:19

Okaz’irhûla emyâka mirhanzi-rhanzi y’ishwa lwâwe omu ka-Nyamuzinda, Nnâmahanga wâwe. Orhahîraga okayendera omwâna-hene omu mahene-hene ga nnina.

Lubungo 4:22

“Ojibwîra Faraoni mwâmi w’e Mîsiri, erhi: Kwo Nyakasane adesire ntya: Israheli yo nfula yâni”;

Ezekiyeli 16:20

Wàrhôla bagala bâwe na bâli bâwe abà wamburhiraga, wagend’ibayîrha mpu yo nterekêro y’abôla bazimu bâwe mpu balye. Ka okwôla kuhemuka kwâwe kwàli kunyi obwo?

Ezekiyeli 16:21

Wànizire bagala bâni, wabahâna mpu babageze omu muliro, mpu lyo abo bazimu bâwe bajà irenge.

Ben Levi 27:26

Ci ntâye wankajira eciragâne c’ecintu mburhwa-lubere lw’omu bishwe­kwa byâge, bulya ebyo nka mburhwa-lubere, bikola biyôsire biri birherekêre Nyamuzinda, ebè nkâfu, cibè cibuzi byoshi biyôsire biri bya Nyakasane.

Mibalè 18:15

“Ngasi wa bûko lubere abè wa bantu, abè wa cintu, birya banahà Nyamubâho, ebyôla byâbà byâwe. Ci kwônene wanakazigombôla olubere lw’omuntu, n’olubere lw’ecintu cigalugalu”.

Mibalè 3:12

«Lolà oku bene Levi mbayansire omu karhî ka bene Israheli, ahâli h’abâna b’enfula, balya bâna b’olubere ba bene Israheli; abôla Baleviti babà ntyo bâni.

Mibalè 3:13

Bulya ngasi wa lubere yêshi erhi anali wâni: lulya lusiku nahungumulagamwo ngasi wa bûko lubere omu Mîsiri go mango nacîhâga ngasi wa bûko lubere omu Israheli: abè wa muntu, abè wa cintu, byoshi bikola bibà byâni. Nie Nyakasane.» D. Omubalè

Luka 2:23

nka okuyandisirwe omu irhegeko lya Nyakasane: Ngasi mwâna-rhabana yêshi w’olubere ahânwe nterekêro ya Nyakasane,

Lushika 15:19

Okazirherekêra Nyamubâho, Nyamuzinda wâwe, ngasi mburhwa-lubere ndume y’omu bintu byâwe, ebè mpanzi erhi ngandabuzi. Orhahîraga okahingîsa erhi kubarhuza olubere lw’enkafu yâwe nîsi erhi okumôma olubere lw’ecibuzi câwe.

Bahabraniya 12:23

mwayegîre ecinyabuguma c’enfula ziyandisirwe omu mpingu; mwayegîre Nyamuzinda, mutwî w’emmanja z’abantu boshi, n’emyûka y’abashinganyanya bàhisire oku bwimâna;