Izaya 9:3 - BIBLIYA NTAGATIFU OMU MASHI

³ Bulya omuzigo gwàli gubagogomîre, omurhamba gwabali aha lurhugo, akarhi k’owakâg’ibalibuza, wabivungunyula nka lulya lusiku lwa Madiyani.

Izaya 9:3 ပူးပေါင်းရင်းမြစ်များ

Nehemiya 9:23

Waluzize abâna bâbo nka nyenyêzi z’emalunga, wanacibahêka muli cirya cihugo wabwîraga ababusi bâbo mpu banacijemwo, baciyîmemwo.

Ayubu 12:23

Anayûshûle amashanja, anabuligaheza, anabè amâlandiza amashanja agal’igaherêrekeza.

Ennanga 107:38

Abagisha baluga bwenêne, abahà na bintu birhali binyi.

Ennanga 119:162

Kwo ebinwa byâwe binsîmîsa, nka muhivi ogwâsize nsimba nyinji

Ennanga 4:7

Banji bacîduduma, mpu: «Ndi wankacirhuha akalembe wâni?» Yâgirwa Nyakasane, orhumolekere n’obumoleke bw’obusù bwâwe.

Izaya 10:26

Nyakasane Nyamuzinda w’Emirhwe azunguziza Asîriya kw’akarhi, nka kulya ashûrhaga Madiyani aha lwâla lwa Horebu; nka kulya akoleraga abanya Mîsiri, kwo alengeza akarhi kâge oku nyanja.

Izaya 12:1

Mw’olwôla lusiku wanâderhe, erhi: Namâkukuza, Nyakasane! Wali onkunirîre, ci obukunizi bwâwe bwarhulwîre, wanantûlirîze.

Izaya 14:5

“Nyakasane avunyungwire omunyuli gwa banyankola-maligo n’akarhi k’abarhegesi”,

Izaya 25:9

Muli olwôla lusiku bânâderhe, mpu: «Ye oyo, ye Nyamuzinda wîrhu, ye rhwàli rhulangâlire oku arhuciza; ye Nyakasane rhwacîkubagiraga. Rhusîme rhunacîshingire obucunguzi bwâge».

Izaya 26:15

Wayûshwîre olubaga, Yâgirwa Nyakasane! Wayûshwîre olubaga, wayêrekana irenge lyâwe; watundugusire embibi z’ecihugo zoshi.

Izaya 35:10

Abà Nyakasane ayish’ibà alîkûzize bâgaluka, bahike omu Siyoni bayisha baband’empundu banabarhwîre amasîma g’ensiku n’amango oku irhwe. Bâyunjula mwishingo n’amasîma; emirhanyo n’endûlù byâhirigirha.

Izaya 35:2

Bwâmeramwo obwâso, busîme bunabande empundu. Bwahâbwa irenge lya Libano n’obwinjà bwa Karmeli n’obwa Saroni. Bâbona irenge lya Nyakasane n’obukuze bwa Nyamuzinda wîrhu.

Izaya 54:1

Oband’empundu, we ngumba erhaburha; ohubulize, ocîshinge, we orharhulaga izîmi, bulya abâna b’omushombe-kazi bo bakola banji kulusha ab’ogwêrhe omulume, Nyakasane okudesire.

Izaya 55:12

Nêci, mwâgenda muyunjwire bushagaluke munaje nwayêrekwa enjira y’omurhûla; entondo n’orhurhondo byâkaz’immukomera kagasha, n’emirhi yoshi y’erubala ekûbize.

Izaya 61:10

Ndwîrhe nacîshinga muli Nyakasane, omurhima gwâni gwamârhwangûka muli Nyamuzinda wâni, bulya anyambisize emyenda y’obucire, ampundikira ecishûli c’obushinganyanya, nka kula omuhya-mulume ayambala ishungwè, na nka kula omuhya ajagalira emyambalo yâge.

Izaya 61:7

Ahâli h’enshonyi, mwâhâbwa bigabi bibirhi, n’ahâli h’ebijâci, nabo bakola baband’empundu. Okwo kwârhuma bâyûshûlirwa kabirhi ogwâbo mwanya omu cihu­go câbo, na ntyo babone amasîma g’ensiku n’amango.

Izaya 65:14

Alà oku abarhumisi bâni bâkaz’ibanda empundu z’omwîshingo n’obusîme omu murhima oku mw’oyo mwâbanda endûlù z’entanya omu murhima, na ntyo mulake munatwîke omurhima!

Izaya 65:18

Ci mushagaluke munahame n’omwîshingo ensiku n’amango erhi ebi nâlema birhuma. Nêci, nkola nahindula Yeruzalemu abè mwishingo, n’oluba ga lwâge bubè busîme

Izaya 66:10

Cîshingi mweshi na Yeruzalemu, shagaluki erhi ye orhuma, mweshi mwe mumuzigira! Yunjuli busîme haguma naye, mweshi mwe mwâli omu mishîbo haguma naye!

Yeremiya 31:7

Bulya kwo Nyakasane adesire: Mubandire Israheli orhuhababo rhw’omwîshingo, mushokolere omurhwe gw’amashanja mukomere Nyakasane kagasha, mulengeze ecihôgêro muderhe mpu: «Nyakasane, cungula olubaga lwâwe, cungula amahanga gasigîre g’Israheli.» Bulya ntya kwo Nyakasane adesire, erhi:

Hozeya 4:7

Boshi oku banali banjirîre ebyâha, irenge lyâbo nâlihindula nshonyi.

Ben Levi 26:13

Nie Nyakasane, Nyamuzinda winyu wammukûlaga omu cihugo c’e Mîsiri, nti murhenge omu bujà bwâyo. Nammutwîre ekoba zàli zimushwesire, mwagenda mwanegena.

Zakariya 10:8

Nahamagala olubaga lwâni nnandushubûze, bulya nahizire okulucungula. Bâshub’ibà banji nk’okwa burhanzi.

Zakariya 2:11

Mwe bantu b’e Yeruzalemu mwalulizibagwa e Babiloni, muyâke dubaduba.»

Zakariya 8:23

Nnâmahanga w’Emirhwe adesire ntya: «Mw’ezo nsiku, bantu ikumi b’amashanja ga ngasi lulimi bâgwârhira Omuyahudi oku cikwi c’ecirondo», baderhe, mpu: «Rhwâkukulikira, bulya rhwâyumvîrhe oku Nyamuzinda ali haguma ninyu.»

Luka 11:22

“Ci erhi hankayisha omulushire burhwâli, akanamuhima, anamunyaga emirasano yoshi ali acîkubagîre, n’ebi amunyagaga, anabigabaguza”».

Ebijiro 8:8

Mw’eco cishagala, abantu basîma bwenêne.

Bafilipi 4:4

Mucîshinge muli Nyakasane ngasi mango. Nshubir’immubwîrakwo: mucîshinge.

1 Petro 1:8

Mumuzigira murhanasâg’imulolakwo; mumuyêmêra n’obwo murhasâg’imubona, n’omwîshingo gwinyu gurhankaderhwa gunayunjwîre irenge,

Bacîranuzi 5:3

Yumvagi yâga mwe bâmi, ninyu mwe barhambo b’amatabâro murhege okurhwiri. Niono nkola nayimbira Nyakasane, Nayimbira Nyakasane Nyamuzinda w’Israheli olulanga.

Bacîranuzi 7:22

Amango abo bantu b’amagama asharhu bakazâgibûha emishekera, Nyakasane anacibalandula omurhima gw’abo ba­nya-Madiani; bajananwamwo bakola bayîrhana n’engôrho, n’okwo kwanacibà omu cihando coshi. Engabo yali muli olwo lugerêro yanaciyâka kuhika aha Beti-ha-Shita olunda lw’e Serera, kuhika oku izîko lya Abeli-Mehola hôfi na Tabati.

Bacîranuzi 8:12

Zebahi na Salmuna, bakûla omulindi bakola bayâka; naye abakulikira luminomino, agwârha abo bâmi b’e Madiani bombi, Zebahi na Salmuna, ecihando câbo coshi acishanda.

1 Samweli 30:16

Anacimulongolana, na lolà oku abantu bali bashandabîne boshi omu lugo badwîrhe balya banaywa, kwo kujira olusiku lukulu na birya byoshi bahagula ga omu cihugo c'Abafilistini n’eca Yûda.