Izaya 8:10 - BIBLIYA NTAGATIFU OMU MASHI

¹⁰ “Muhige emihigo: yafananda; muderhe akanwa: karhâgwârhe, bulya Nyamuzinda ali haguma nîrhu.”»

Izaya 8:10 ပူးပေါင်းရင်းမြစ်များ

Murhondêro 21:22

Muli ago mango, Abimeleki ayisha boshi na Pikoli, murhambo w’abalwî bâge, abwîra Abrahamu, erhi: «Nyamuzinda ali haguma nâwe muli ebi odwîrhe wajira byoshi.

2 Samweli 15:31

Banaciyisha balibwîra Daudi omwanzi mpu: «Ahitofeli akola ali boshi na Absalomu omu bugoma». Daudi aderha erhi: «Mâshi Nyakasane nkusengîre nâni Muhanyi, ojire amahano Ahitofeli ankanamuhà gabè ga buhalanjisi mâshi».

2 Samweli 17:23

Naye Ahitofeli erhi abona oku barhacishimbire ihano lyâge, ashumika e­ ndogomi yâge ayimuka ashubira omu lugo lwâge. Erhi abà amayumanyanya eby’omu mwâge byoshi, acîmanika afà. Bamubisha omu nshinda y’îshe.

2 Samweli 17:4

Okuhandi ebyôla binwa byasîmîsa bwenêne Absalomu kuguma n’abashamuka bâge b’omu Israheli boshi.

2 Bâm 6:12

Muguma muli balya basirika bâge anacimushuza erhi: «Ntâye yâgirwa nnawîrhu; ci konene omulêbi Elishaʿ abà omw’Israheli, ye ogendikazibwîra mwâmi w’Israheli ebinwa waderheraga omu mwâwe».

2 Nganîro 13:12

“Loli oku haguma na nîrhu, n’embere zîrhu, eri Nyamuzinda n’abadâhwa bâge, kuguma n’emishekera yashekêrezibwa kuli mwe. Bene Israheli murhahîra mukakoza entambala kuli Nyamubâho, Nyamuzinda wa basho, bulya mwanayabirwa”».

Ayubu 5:12

Anayeshûle abengûza, n’emilâli yâbo y’okulyâlyanya ayitamalekwo.

Ennanga 21:12

Ciru bankaja migabo y’okukujira kubî, ciru bankajira amenge, barhankakuhasha.

Ennanga 46:1

Gwârhi omukulu w’abimbiza. Lwa bene Korè. Oku izù ly’abanyere­ bashugi. Lwimbo.

Ennanga 46:11

Lekeragi aho: mumanye oku niene nie Nyamuzinda, nie nkulire amashanja nie nkulire n’igulu.

Ennanga 46:7

Amashanja gajà aho gàcihuma omw’isù, amâmi gàgeramwo omusisi, Lêro izù lyâge lyàkungula, igulu lyàhwera aha nshi.

Ennanga 46:8

Nyakasane w’emirhwe ali haguma nîrhu, ye mulanzi orhulanga, Nyamuzinda wa Yakôbo.

Migani 21:30

Ntà burhimanya, ntà bwîrhonzi, na nt’ihano lyankacigererakwo Nyamubâho.

Izaya 14:27

Nka Nyakasane Nyamuzinda w’Emirhwe amârhôla omuhigo, ndi wa­ nkacimurhanga? Nk’amâlambûla okuboko, ndi wankacikugalula?

Izaya 28:18

“Eciragâne cinyu mwe n’olufù cavunwa, n’ecihango cinyu mwe n’okuzimu cirhâsêre. Amango obuhanya bwazûka, bwammuvungunyula”.

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 43:5

Orhayôbohaga, bulya ndi haguma nâwe. Iburha lyâwe nâlirhenza Ebushoshôkero, nâlishûbûza kurhenga Ebuzikiro.

Izaya 7:14

Nyakasane yêne akolaga ammuhà ecimanyîso. Alagîco: Omwâna-nyere mubikira amâbà izîmi, amâburha omugala, amânamuyîrika izîno lya Emanûweli.

Izaya 8:8

“Lwacihandalika-handalika, lwajà cingana omu lya Yûda, lwabirira, lwagera omu kâgarhî, kuhika omu igosi, na mw’okwo kujà lwashanjûla emyaro yalwo, lulinde luyunjuza ecihugo câwe coshi, wâni Emanûweli!”

Izaya 9:6

Oburhegesi bwâge bwagandâza n’omurhûla gurhakaciyûrha oku ntebe y’obwâmi bwa Daudi n’omu bwâmi bwâge. Obwâmi bwâge bwayîmangira bunasimikire oku bushinganyanya n’obwimâna kurhenga bunôla kuhika ensiku n’amango. Buzigire bwa Nyakasane Nyamuzinda w’Emirhwe bwâkola ebyôla.

Yeremiya 42:11

Murhayôbohaga oyu mwâmi w’e Babiloni murhinyire murhamuyôbohaga, ye kudesire Nyakasane, bulya ndi haguma ninyu nti mmucize nnâmulikûze omu nfune zâge.

Yeremiya 46:28

“W’oyo murhumisi wâni Yakôbo, orhayôbohaga, Kanwa ka Nyakasane, bulya ndi haguma nâwe. Nkola nakabya galya mashanja goshi nakushandâzagyamwo, ci wêhe ntakuherêrekeze, cikwône nakuhana omu kushimba olushika, orhakalekwa buzira buhane”».

Ndûlù 3:37

Ndi wankahashiderha akanwa kanabè? K’arhali Nyakasane ohiga?

Haggeyo 1:13

Kandi Hageyo, ntumwa ya Nyakasane, abwîra olubaga ntya akanwa ka Nyakasane: «Ndi haguma ninyu, kanwa ka Nyamuzinda».

Mibalè 14:9

Ci kwônene murhahîra mukagomera Nyamubâho, murhanayôbohaga abantu abantu bali muli ecôla cihugo, bulya rhwabahungumula, owakazâgibalanga acîyegwîre kuli bo, na Nyamubâho ali haguma nîrhu, murhabayobôhe.»

Mateyo 1:23

Alà omubikira ayish’ibà nda, aburha omwâna: bayish’imuhà izîno lya Emanuweli, kwo kuderha: Nyamuzinda - haguma - nîrhu.

Mateyo 28:20

Mubayigîrize okushimba ngasi hyoshi nammurhegesire. Nâni ndi haguma ninyu ensiku zoshi kuhika aha kuyûrha kw’igulu».

Barom 8:13

Bulya mukalamira omubiri, mwâfà; ci mukâyîrha ebijiro by’omubiri n’ohuhashe bwa Mûka, mwâlama.

Barom 8:31

Cici rhwankaciyûshûla kw’ebyo? Akabà Nyamuzinda ali olunda lwîrhu, ndi wankacirhuhima?

Lushika 20:1

Amango warhabâla mpu okola wajilwîsa abashombanyi bâwe, erhi wakabona enfarasi na ngâlè mwandu, na bantu banji kukulusha, orhayôbohaga bulya Nyamubâho, Nyamuzinda wâwe ali haguma nâwe, Ye wakuyinamulaga, akurhenza omu cihugo c’e Mîsiri.

Yozwe 1:5

“Ntâye wankahagaza embere zâwe omu nsiku z’akalamo kâwe zoshi; nk’oku nayôrhaga na Mûsa kwo nayôrha nâwe; ntakujandikè, ntanakulekerere”».

1 Yowane 4:4

Mw’oyo, rhwâna rhwâni, muli ba Nyamuzinda, mwanabahimire; bulya Oli muli mwe alushire oli omu igulu.